доедать, допивать (остатки чего-л.); аһы тобоҕолоо = доесть пищу; үүтү тобоҕолоо = допить молоко.

1) опорожнять; осушать; допивать или доедать; иһити кураанахтаа = опорожнить посуду; 2) опустошать; сэрии кураанахтаабыт сирэ земля, опустошённая войной.

туохт.
1. Ордубут аһы бүтэри сиэ, ис. ☉ Доедать, допивать (остатки чего-л.)
Сүөдэр Бэһиэлэйэп уолун кытта арыгытын тобоҕолоото. Амма Аччыгыйа
Кыл Сэлээппэ [киһи аата] буспут борооскутун этин тобоҕолоото. Л. Попов
2. көсп. Кими, тугу эмэ ситэри суох оҥор, суох гын, эс. ☉ Уничтожать когочто-л. до последнего, без остатка, покончить с кем-чем-л. [Уйбаан:] Мин олохпун алдьаппытыҥ итэҕэс буолан, өссө тобоҕолуу кэллэҕиҥ дии. А. Софронов
[Михаил:] Мин табаарыстарым эһигини тобоҕолуохтара. С. Ефремов
Утарсааччылары аптамаатынан, ыстыыгынан тобоҕолоот, дэриэбинэ иһигэр көтөн түһэбит. С. Никифоров

туохт.
1. Аһалларын, иһирдьэ киллэрэллэрин курдук эбэтэр атын бэлиэ биэрэн, тугу эмэ (хол., ааны, түннүгү) оҕус, охсор курдук тыаһы таһаар. ☉ Стучать, стучаться (напр., в дверь, в окно)
Тохтуу-тохтуу улам күүскэ ааны тоҥсуйаллар, бэркэ сүрэҕэлдьии-сүрэҕэлдьии, эмээхсин туран олорор. Амма Аччыгыйа
Васька Барсуков кэлииккэни күүскэ тоҥсуйар. Н. Якутскай
Эмискэ сарай муннугун тоҥсуйар тыас иһилиннэ. М. Доҕордуурап
△ Тугунан эмэ тугу эмэ оҕус, саай. ☉ Стучать, ударять чем-л. по чему-л.
Оҕонньор хамсатын ураҕаһыгар тоҥсуйан, күлүн тэбээтэ. Амма Аччыгыйа
Саша аргыый тиити тоҥсуйа турбута. Н. Заболоцкай
2. Тумсугунан тугу эмэ оҕус эбэтэр үргээн тардыалаа (көтөрү этэргэ). ☉ Есть, хватая клювом, щипать, клевать, долбить (о птицах)
[Дьиэрэҥ:] Суор сордоох сутаары гынан Собулҕаны тоҥсуйбута улахан эбит дии. П. Ойуунускай
Биир тооромоһу чооруос чубугуруу-чубугуруу тоҥсуйа сырытта. Амма Аччыгыйа
Тоҥсоҕой тэҥкэ харыйатын хаппыт мутугунан турулаччы тоҥсуйара. Н. Якутскай
3. кэпс. Тугу эмэ маһынан уһан, оҥор. ☉ Мастерить что-л. из дерева, столярничать
Мин саллар сааһым тухары, маһы эрэ тоҥсуйан тыыннаах буолбут киһибин. Суорун Омоллоон
[Оҕонньор] уһанар дьиэтигэр тахсан, тугу эрэ тоҥсуйан, чабырҕатан барда. Күрүлгэн
4. кэпс. Ханнык эмэ тиэкиһи туохха эмэ (хол., массыыҥкаҕа, көмпүүтэргэ) бэчээттээ. ☉ Печатать что-л. на пишущей машинке или на компьютере
Оскуолам былыр үйэтинээҕи «Башкирия» диэн хаарбахтааҕын тоҥсуйан лагырҕаппытынан барбытым. «ХС»
5. көсп. Барытын аһаа, сиэн бүтэр. ☉ Есть, ничего не оставляя, доедать
Минньигэс тобоҕу тоҥсуйан кэбиспиппит быданнаабыт дьон биһиги сибиэһэй таба этигэр хайдах курдук түһүспүппүтүн кэпсии да барар сатаммат. Н. Заболоцкай
ср. бур. тоншохо, түнхихе ‘долбить, клевать’