туохт. Тугу эмэ тулуйан кэтэһэ сатаа (үксүгэр буолб. ф-ҕа тут-лар). ☉ Терпеливо дожидаться чего-л. (напр., окончания разговора — обычно употр. в отриц. ф.)
«Хара маҥнайгыттан итинтэн саҕалыаҥ этэ буоллаҕа дии», — диэтэ хайаларын эрэ тэһийбэтэх-тулуйбатах саҥата. В. Яковлев
Дьэбдьиэ тэһийбэтэ-тулуйбата, уот иннигэр соҕотоҕун хороллон олорор сүрэ бэркэ дылы. Болот Боотур
Соня итини тэһийэн-тулуйан истибэтэ. М. Доҕордуурап
Арамаан тэһийбэккэ-тулуйбакка эттэ: «Аҕаа, миигин оскуолаҕа ыыт эрэ». С. Федотов. / / Ханна эмэ сылдьан соҕотохсуйбат, чуҥкуйбат буола сатаа (үксүгэр буолб. ф-ҕа тут-лар). ☉ Переносить одиночество, скуку (обычно употр. в отриц. ф.)
Маннык түгэҥҥэ киһи тэһийбэккэ-тулуйбакка эрэйдэнэр, мэктиэтигэр аһаабат буолар. «ХС»

туохт.
1. Кими, тугу эрэ кыһанан, сорук оҥостон күүт. ☉ Ждать, поджидать, дожидаться (долго, упорно)
Кэтээбитэ үһүс хонугун туолуутугар күн тахсыыта икки куба курдук үрүҥ таҥастаах дьон көстөн баран, мэлис гынан хаалаллар. Саха фольк. Кыыһыгар биэрээри сибэкки үргээбит, Тапталын этээри, Чараҥҥа кэтээбит. Күннүк Уурастыырап
Сэрии элбэх сиэртибэлээх, Ол да буоллар миигин кэтээ, Тыылга, кытаат, үлэлээ! Баал Хабырыыс
2. Кими, тугу эмэ көрө-истэ, билэчуҥнуу сырыт (үксүгэр кистии-саба). ☉ Наблюдать, следить, подсматривать за кем-чем-л. (обычно тайком)
Уһун күнү быһа Ону-маны манаһа Уора-көстө кэтиир Убаһалыы кистиир. Болот Боотур
Кэнники хас да сыл күнү-дьылы кэтиир, сылгыны чинчийэр сэптэри кытта бодьуустаһан таҕыста. П. Филиппов
△ Харабыллаа, манаа. ☉ Караулить, сторожить, охранять кого-что-л.. Кэтээбитэ кэргэнэ, манаабыта балаҕана (өс ном.)
♦ Сүөһү кутуругун (кэннин) кэтээ (манаа) — атынынан дьарыктаммакка наар сүөһү иитиитинэн эрэ дьарыктан. ☉ Постоянно заниматься разведением крупного рогатого скота, не ведая никаких других занятий
Ыччаттар промышленнаска барбаттар. Наар сүөһү кутуругун манаан ханна ыраатыахтарай. [Быыпсай:] Биһиги былыргылыы сүөһү кэннин кэтиир дьон, аны дьон буолуохпут дуо. Суорун Омоллоон
◊ Кэтээн көрүү — туох эмэ уларыйыытын сорук оҥостон чинчийии. ☉ Изучение чего-л., наблюдение за изменениями, происходящими в чем-л.
Саҥа Долбор олохтоохторо ыарыыга ордук ылларымтыаларын туһунан эн кэтээн көрүүҥ олус интэриэһинэй. Г. Угаров
Кинигэлэр иллюстрациялара даҕаны, кини [Шапошников] …… олоҕу, айылҕаны кэтээн көрүүлэрин түмүктэрэ. Эрчимэн
ср. тув. кэдэ ‘подстерегай, подкарауливай’