даҕ. Олорор, иитиллэр сириттэн, дьиэтиттэн-уотуттан арахсыан баҕарбат, онно олус убаммыт (киһи, сүөһү туһунан). ☉ Предпочитающий не отлучаться из дому, очень домашний (о человеке, животном)
Оҕом дьиэмсэх буолан, төһө да ыраах сиргэ үөрэннэр, куруук кэлэ турар.  Үтүмэн үрүгэн, үчүгэй сытымсах, Өрүүтүн дьиэмсэх Үтүө ыт тахсыа! Р. Баҕатаайыскай
Ынах олус дойдумсах, дьиэмсэх буолан, төрөөбүт-үөскээбит алааһыттан букатын да кэриэтэ тэлэһийбэт. В. Ойуурускай

даҕ.
1. Уруу-аймах, чугас дьонноругар тардыһар, кинилэргэ убаммыт, кинилэри ытыктыыр, таптыыр. ☉ Привязанный к своим родственникам, близким, уважающий, любящий их
Ити үгэстэр [хотугу дойду олохтоохторун үтүө үгэстэрэ] дьону бэйэ-бэйэлэригэр ыга тардан, ордук иллээх, күндүһүт, мааныһыт, дьонумсах оҥороллор. Н. Якутскай
Киһи сааһырдаҕына дойдумсах, дьонумсах буолар диэччилэр. Софр. Данилов
2. Эр дьону сөбүлүүр; эр дьоҥҥо аҕаамах, чэпчэки (дьахтар туһунан). ☉ Любвеобильная; льнущая к мужчинам, легкого поведения (женщина)
[Суоһалдьыйа Толбонноох] саатын уйбакка, киһимсэх бэйэтэ киһиттэн кистэнэн, дьонумсах бэйэтэ дьонтон күрэнэн, оронун атаҕар суһуоҕунан моҥнон өлбүтэ үһү. П. Ойуунускай

туохт.
1. Киһи илиитигэр үөрэн, киһиттэн куттаммат буол (дьиикэй харамайдар тустарынан). ☉ Становиться ручным, приручиться, одомашниться (о животных)
Тугу эмэни бэриһиннэрээри туртастар оскуола оҕолорун батыһа сылдьар гына дьиэтийбиттэр этэ. Далан
Суорбут оҕото сотору дьиэтийбитэ. И. Федосеев
Бу күннэргэ Горнай оройуонугар сылдьан айан суолун адьас чугаһыгар биһиги хаста да тайахтары көрдүбүт. Дьэ ити аата дьон-сэргэ кинилэргэ үтүө сыһыаныттан айылҕа маанылаахтара аарыма лөкөйдөр киһиэхэ дьиэтийэн эрдэхтэрэ. ДьДьДь
2. Саҥа быһыыга-майгыга сөп түбэс, үөрэн (киһи туһунан). ☉ Обживаться, свыкаться с новой обстановкой (о человеке)
Устудьуоннар бастакы куурустарга үөрэнэр сылларыгар дойдумсах, дьонумсах буолаллар. Биир оройуонтан киирбит оҕолор үксүн үөрдүһэн сылдьааччылар. Кэнники, билсиилэрэ кэҥээтэҕинэ, дьиэтийдэхтэринэ, арҕам-тарҕам барааччылар. Софр. Данилов
Нарыйа түргэнник дьиэтийбитэ, хотунунуун бэрт дөбөҥнүк тапсыбыттара. В. Яковлев
△ Атын быһыыга-майгыга үөрэн (эт-хаан, өй-санаа өттүнэн). ☉ Приспособиться к новым условиям (об организме, психологии человека)
Хайыүйэҕэ дьиэтийбиттэр. Ким даа тымныырҕаппыт быһыыта суоҕа. А. Софронов
Ол курдук, Сэриигэ киһи «дьиэтийэр», онтон атын, сатаан сэриилэһиэҥ суох этэ. Күннүк Уурастыырап
3. поэт. Олохсуй; биир сиргэ өр кэмҥэ сөбүлээн тохтоо. ☉ Привыкать; поселиться, обосноваться надолго на одном месте. Оо, төрөөбүт дойдуом! Бырастыы гын миигин - Улдьаа мэниккин, Быралгы уолгун, Атыны эккирэтэн Эйиигиттэн тэлэһийэн Эн чөҥөлөк алааскар Дьиэтийбэтэх буруйбун. С. Данилов
Сата-буурҕа сиригэр Дьикти сайын диэлийбитэ, Саха киһи сүрэҕэр Дьиҥнээх үөрүү дьиэтийбитэ. Күннүк Уурастыырап
Сүрэх үөрэн ыллыы туруон баҕарда Сүүс үөрүү дьиэтийбит бу кэрэ дойдутугар! С. Васильев