Якутские буквы:

Якутский → Якутский

доп-доруобай

даҕ.
1. Олох туга да ыалдьыбат чөл туруктаах (киһи). ☉ Обладающий очень крепким здоровьем, совершенно здоровый (человек)
Бары доп-доруобай сылдьыахха, таптыыр-талаһар идэлэрбитин баһылыахха... У. Нуолур
2. көсп. Бөҕө-таҕа көрүҥнээх, күүстээх-уохтаах. ☉ Сильный, крепкого сложения
Доп-доруобай кырдьа барбыт дьахтар, тоҕу илгистэн кэлэн түннүгү да көрдөрөр бокуойдаабата. П. Чуукаар
Доп-доруобай тырахтарыыс икки толору куҥнаах харыларын сыттанан, умса түһэн утуйан хаһыҥырыыр. Р. Кулаковскай

Еще переводы:

тууллас

тууллас (Якутский → Якутский)

тууллас гына түс — сабарайданан кэлэн олоро түс (хол., улахан көтөрү этэргэ); эмискэ көстө түс (хол., аһара уойбут киһини этэргэ). ☉ Приземлиться на что-л., широко взмахнув большими крыльями (напр., о крупной птице); неуклюже выкатиться откуда-л. (напр., о полнотелом человеке). Далан өксөкү кыыл Соҕуруу диэки Тоҕус чочур хайа үрдүгэр Тоҕус тоҥ харыйаны Холбуу тардан ылан Тууллас гына олоро түстэ. Ньургун Боотур
Кэбиниэттэн сырдык сиэрэй көстүүмнээх, саҥардыы уойан эрэр доп-доруобай киһи тууллас гына түстэ. Далан

чыын

чыын (Якутский → Якутский)

аат.
1. Байыаннай уонна гражданскай сулууспалаахтар сололорун араарар кэрдиис. ☉ Служебный разряд у военных и гражданских служащих, военное звание, чин
Кини [уолчаан] икки өттүттэн куттал суох буолуутун чыыннара — доп-доруобай, киэптэҥэлэспит эр бэртэрэ ыгаллар, бардьыгыныыллар. Далан
Бэҕэһээ жилуправление мунньаҕа буолбута, горсоветтан үрдүк чыыннар бааллара. Н. Габышев
[Мотя] остуол тарта, тойоттору чыыннарынан наардаан аска ыҥыртаата. П. Филиппов
Гавриил Иванову өйдөөх-төйдөөх, туохха барытыгар оттомноохтук сыһыаннаһар, алын чыыннарыгар сымнаҕас эписиэр быһыытынан ытыктыыра. А. Данилов
2. Туохха эмэ уһулуччу ситиһииҥ, үтүөҥ-өҥөҥ иһин бэриллэр суолталаах бэлиэ (хол., уордьан, мэтээл о. д. а.). ☉ Знак отличия, награда (напр., орден, медаль)
Собуоттаах тойон …… Солкоттон тигиилээх көстүүмҥэ Солотуу чыыннарын иилинэр. Эллэй
Кини мин төрүттэрим ыраахтааҕыттан ылбыт чыыннарын, мэтээллэрин остуолга уурталаан баран, бэйэм икки мэтээлбин кэтэрдэн олорон хаартыскаҕа устубута. Эрилик Эристиин
ср. русск. чин ‘знаки отличия’ (орден, медаль)