дьүһ. туохт.
1. Моонньугун уһатан, сискин бөгдьөтөн, умса туттан, туох-баар күүскүнэн инниҥ диэки дьулус (туох эмэ ыараханы соһон, тардан). ☉ Вытянув шею, сгорбившись, подаваться всем корпусом вперед (обычно при вытягивании чего-л. тяжелого)
Оҕус [суханы] тардан дьүккүйбүтүнэн барда. Амма Аччыгыйа
Ньукуу түргэнник хомуна охсон, салааскатын соспутунан дьиэтин диэки дьүккүйэр. И. Федосеев
Ыарахан таһаҕастан, түүннэри-күннэри тохтоло суох айантан, уу чоккурас буола тириппит, сааскы көтөх аттар иннилэрин диэки дьаныардаахтык дьүккүйэллэр. А. Сыромятникова
2. Сорунуулаахтык, дьаныардаахтык инниҥ диэки дьулус. ☉ Решительно, упорно двигаться вперед
Бытаарбакка, тохтообокко биир дэхситик, дьүккүйэн иһиэххэ. Амма Аччыгыйа
Соппуруон төһө өр айаннаабытын билбэт, иннин диэки дьүккүйэр эрэ мөккүөрдээх. У. Нуолур
[Наукаҕа] биһиги сыалбыт-сорукпут дьэҥкэ - иннибит диэки биир санааны сананан, чугуруҥнаабакка дьүккүйэн иһии. Багдарыын Сүлбэ
3. кэпс. Моойгун уһаты туттан баран, хара күүскүнэн ыстаабакка ыйыһын. ☉ Вытянув шею вперед, заглотнуть что-л. съестное (обычно твердое) с усилием (не разжевывая)
Кини [кырынаас] сүрэҕэ-быара дьоҕус да ас буолуо этэ. Үчүгэйдик дьүккүйэн кэбистэр... Чахчы туһалааҕын билбит киһи... Амма Аччыгыйа
«Бүтүн аты бирдиитэ дьүккүйэр туох идэмэрдээх кыылай?!» - диэн Түҥ Хабырылла соһуйа иһиттэ. Л. Попов

1) тащить, тянуть вперёд что-л. (налегая всем телом и вытянув шею); тардан дьүккүй = тянуть что-л. изо всех сил ; 2) рваться, устремляться вперёд; упорно двигаться вперёд; 3) глотать с усилием (вытягивая шею вперёд);, глотать жадно, не разжёвывая.