туохт.
1. Эккин тартаран эмискэ холустук хамсанан ыл (соһуйууттан, куттаныыттан, ханнык эмэ күүс дьайыытыттан). ☉ Внезапно вздрогнуть (от неожиданности, боязни, от воздействия какой-л. силы)
Балачча киэһэрбитин кэннэ, тыаҕа дьон саҥарбыттарыгар, соһуйан, дьигис гынан баран, үөрэ түстэ. Амма Аччыгыйа
Ааттаммат кыыл! Булчуттар бары, муустаах уунан саба ыстарбыт курдук, дьигис гына түстүлэр, ити тылтан куйахалара күүрдэ, эттэрэ саласта. Л. Попов
Ити тыллартан Анна Михайловна, ким эрэ ыарыылаахтык тэһэ аспытын курдук, эмискэ дьигис гынна, көнө түстэ. Г. Нынныров
2. Эмискэ бэрт кыратык, иннин-кэннин диэки илгиэлэнэр хамсааһыны оҥорон ыл. ☉ Резко двинуться вперед или назад, дернуться
Саам эстэн дьигис гыныытыгар чыпчылыйан баран харахпын аспытым - мустан турар ньиэмэстэр бурал гына түстүлэр. Т. Сметанин
Ньалҕархай күөх харыйалар дьигис гыннахтарын ахсын кинилэр хаар маҥан бэргэһэлэрэ туллан аллара диэки сурулуу тураллар. Г. Нынныров
Массыына дьигис гынаат, турунан кэбистэ. НВ БК