1) слегка оглушаться; 2) одуревать, обалдевать (напр. от сильного шума).

оглушаться, быть оглушённым; дөйөн хаал = быть оглушённым.

туохт.
1. Охсуллан, доргуллан быстах кэмҥэ өйгүн сүтэр. ☉ Временно потерять сознание от сильного удара по голове
Кукушкин дөйөн сыттаҕына кэлгийэн бараннар илдьэ барбыттар. Амма Аччыгыйа
Өстөөх миинэлэрэ өрүскэ түспүттэриттэн дөйөн тахсыбыт балыктар уу үрдүгэр сыталлар. Т. Сметанин
Биэстэ бааһырбытым, хаста да дөйбүтүм, буомба эстиитигэр буор анныгар көмнөрбүтүм. «ХС»
2. Туох эмэ соһумар суолтан тугу да гынаргын билбэт буолан хаал. ☉ Терять способность делать что-л. от душевного потрясения, остолбенеть
Тогойкин хараҕын кыайан араарбакка, тугу гыныан билбэккэ, дөйөн олордо. Амма Аччыгыйа
Кини дьолуттан дөйөн, аҥаарыйбыт курдук турар. Н. Якутскай
Баанньа эмискэ итии уунан саба ыстарбыт курдук, сирэйэ дьэс кытаран дөйөн олорбута. Н. Кондаков
3. Аһара улахан тыастан быстах кэмҥэ истибэт буолан хаал. ☉ Временно утратить способность слышать от сильного шума, быть оглушенным, оглохнуть
Түүлээх Уллуҥах киһи кулгааҕа дөйөрүнэн, тыа баһа айманарынан, хаһыытаан хайа барбыта. Суорун Омоллоон
Кини ыллаан бардаҕына, киһи дөйөн хаалар. А. Сыромятникова
Күн уота хараҕын саатырдар, Көр, ырыа кулгааҕын дөйүтэр. П. Тулааһынап
4. көсп. Хамсаабакка, им-дьим иһийэн тур (хол., айылҕа көстүүтүн туһунан). ☉ Замереть, оцепенеть (о чем-л.)
Саҥа суох, ким да саҥарбат, хайалар дөйөн тураллар. И. Эртюков

туохт.
1. Туохтан эмэ мэйииҥ туймааран, ону-маны аанньа билбэт буол, дөйөн бар. ☉ Слегка оглушаться (напр., от кратковременной потери сознания)
Эмискэ кини үрдүнэн ыттылар - уол дөйүөрдэ. Дьуон Дьаҥылы
Гавриил балысхан ытыыттан дөйүөрдэ. ДАЛ УуУоО
Саалар дэлбэритэ барар тыастарыттан дөйүөрэн турдум. «ХС»
2. Туохтан эмэ уолуйан эбэтэр соһуйан тугу гыныаххын булбакка, саҥарбакка тур, олор. ☉ Быть, находиться в замешательстве, растерянности от чего-л. неожиданного, внезапного
Эйэҕэс эҕэрдэлээһинтэн соһуйан хааламмын, дөйүөрэн турдум. Багдарыын Сүлбэ
Күүппэтэҕин истэн, мэктиэтигэр дөйүөрэн ылла. Тумарча
Эмискэ оһоххо дабаххай эстэн, дьон бука бары дөйүөрэн ылычып олордулар. Д. Таас
◊ Дөйүөрэ тоҥ - халыҥ мууһунан бүрүлүн (хол., күөл); түгэҕэр диэри эпсэри тоҥ. ☉ Покрываться толстым льдом, промерзать до дна (напр., об озере)
Маардар, көлүччэлэр дөйүөрэ тоҥнулар. А. Кривошапкин (тылб.)

v. to grow silent, become quiet; to become deaf