Якутские буквы:

Якутский → Якутский

иһээхтээ

I
ис диэнтэн атаах. Ыраах да сиртэн иһээхтиир эбиккин... Н. Якутскай
Икки төгүрүк сылы мэлдьи Иһээхтиибин мин дьиэм диэки. Күн Дьирибинэ
Аччыктаан да иһээхтиибит. Н. Габышев
Тордуйа оҕонньор салааскатын соһон иһээхтиир. Н. Павлов
II
ис диэнтэн атаах. Утаппытыҥ буолуо, бу тиэрмэстэн иһээхтээ

Еще переводы:

соһуллаахтаа

соһуллаахтаа (Якутский → Якутский)

соһулун диэнтэн атаах. Чурумчуку ол курдук, Чурумчулаах оҕустуу, Соһуллаахтаан иһээхтээн …… көрдөстө. Эллэй

сыһыллаҥнаа

сыһыллаҥнаа (Якутский → Якутский)

сыһылын диэнтэн б
тэҥ. көстүү. Хааннаах кыра бөрө атыттар күлүктэригэр киирэн, хаарынан сыһыллаҥнаан ылбыт. Амма Аччыгыйа
Сырата-сылбата быстыбыт киһи аат эрэ харата сыһыллаҥнаан иһээхтиир. А. Кривошапкин (тылб.)

эмтэн-томтон

эмтэн-томтон (Якутский → Якутский)

эмтээ-томтоо диэнтэн бэй
туһ. Элиэнэ эбэкэм эҥсээхтиир хочотун Илиҥҥи, арҕааҥҥы эҥээрин иһигэр Эргэлиир олохтон эчэйбит норуотум Эмтэнэн-томтонон иһээхтиир эбит. Эллэй

эргэлиир

эргэлиир (Якутский → Якутский)

поэз., көр эргэ I
Эргэлиир эстээхтиир үйэттэн Этиҥнээх былыттар элиэтээн, Туналҕан дьулусхан халлааммар Тумарык туманнар көттүлэр. П. Ойуунускай
Эргэлиир олохтон эчэйбит норуотум Эмтэнэнтомтонон иһээхтиир эбит. Эллэй

дьыбарытын

дьыбарытын (Якутский → Якутский)

туохт. Өссө сытайан күүһүрэн биэр (тымныы туһунан). ☉ Усиливаться, стать сильнее (о морозе)
[Ап-Чарай:] Ээй-ээ, били инибиилэр иһээхтииллэр эбит. Олоруохтааҕар кинилэри муодалыам буоллаҕа, сата тааһым сатаны түһэрээ ини - Дьыбарыкам, дьыбарытын! Үрүҥ хаарым, үрэлис! И. Гоголев

кытараахтаа

кытараахтаа (Якутский → Якутский)

кытар I диэнтэн атаах. Күлүм-чаҕыл күннэрбит Күүһэ-уота мөлтөөхтөөн, Кылбаа маҥан былыттар Кытараахтыы умайан, Кыһыл сарык сардаҥа Халлаанынан халаарда, Хайаларга оонньоото. П. Ойуунускай
Куобахчаан ыраастык тайбаан, Ытысчаана кытараахтаан, Ыраахайдаан иһээхтиир. Р. Кулаковскай

лабыкталаа

лабыкталаа (Якутский → Якутский)

туохт. Лабыктаҕа мэччий, лабыктанан аһылыктан. ☉ Питаться, кормиться ягелем, пастись на ягельном месте
Талыы миинэр табам, Ба дараантан дуу кэхтэн, Лабыкталыы турума, — ньаачарыйан иһээхтээ. С. Д анилов. Лабыкталаан аһыы сылдьар кыыл таба кынтайбытынан таас иһит иһигэр чочуллан турара. «ХС»

никсилин

никсилин (Якутский → Якутский)

туохт. Туохха эмэ олорон айаннаан иһэн суол нэксиэтиттэн сахсылын. ☉ Трястись при езде (напр., на телеге, верхом на лошади)
Уһун айаҥҥа никсиллибит. Н. Заболоцкай
Ньиэмэстэр уһун тэлиэгэлэригэр таастаах суолга никсиллэн …… кирдээх таҥастаах саллааттар кубарыһан иһээхтииллэр. Л. Толстой (тылб.)

ньаачарый

ньаачарый (Якутский → Якутский)

дьүһ. туохт. Атаххын маадьаччы үктүү-үктүү нэһиилэ хамсан, оннук көһүн. ☉ Ходить неуклюже на коротких кривых ногах, выделяться своей походкой
Талыы миинэр мин табам, Ньаачарыйан иһээхтээ. С. Данилов
«Миигин быыһаа», — диэн икки илиитин өрө уунан биир ньаачарыйбыт киһи хаһыытыыр. П. Аввакумов

салдьыкыччый

салдьыкыччый (Якутский → Якутский)

дьүһ. туохт. Төбөҕүн бокуойа суох уҥа-хаҥас хамсатан түргэнник хаамп (салдьыр муостаах сүөһүнү этэргэ). ☉ Идти быстрыми шагами, усиленно махая головой (о быке, корове с наклонившимися наискось рогами)
Оҕуһа, үөрэ-көтө салдьыкыччыйан, сэлии былаастаах хаамыынан баран иһээхтээтэ. Суорун Омоллоон