прил. карикатурнай, карикатура; представить кого-что-л. в карикатурном виде карикатурнай дьүһүнүнэн көрдөр.

даҕ. Дьээбэлэнэрин сөбүлүүр, дьээбэлээх. ☉ Любящий подшучивать, подтрунивать, насмехаться над кем-л.
Яковлев бодоруспут киһитигэр сүрдээх хаадьылаах, күлүүлээхоонньуулаах этэ. Н. Габышев
Хаадьылаах тыллаахтар кэнники Хам баартар, саҥарбат буолбуттар. С. Тарасов
Элэктээх, хаадьылаах карикатура доҕоратас ордук бэлиэ дьүһүнүн, майгытын туох да өһөхтөөх санаата суох, оонньуу оҥостон, омуннаан ойуулуур соруктаах. ВГМ НСПТ

даҕ.
1. Ырааҕы, кыраны үчүгэйдик таба көрөр, сытыы харахтаах. ☉ Далеко видящий, острый, зоркий (о глазах человека, животного, птицы)
Кутун-сүрүн Кубулутан иҥэрбит Кыһыл көмүс сыаҕайы Кыраҕы харахпынан Кыҥаан эрэбин. П. Ойуунускай
Боруҥуй да буоллар, кини кыраҕы хараҕа сытыытык көрөр. В. Протодьяконов
Көтөрдөр олус кыраҕылар. Холобур, сыһыы үрдүнэн кый үрдүккэ элиэтии сылдьар хотой от быыһынан сүүрэн эрэр кутуйаҕы тэһэ көрөр. ББЕ З
2. Кыраны да бэлиэтии, таба көрөр. ☉ Внимательный, зоркий, цепкий (взгляд)
Күндү ыалдьыт хараҕа Кимнээҕэр да кыраҕы, Таба көрө охсуоҕа Ырбаахыҥ абыраҕын. И. Гоголев
Кини кыраҕы хараҕа, чуор кулгааҕа барыны көрөр-истэр. Болот Боотур
Кылтааһап кыраҕы харахтааҕа, кини көрө охсубута. В. Гаврильева
3. кэпс. Бэргэн (сааһыт туһунан). ☉ Меткий (о стрелке)
«Кыылы харахха табар кыраҕы ытааччы!» — дэтэриҥ. Р. Баҕатаайыскай
Бээтинсэм кыраҕы ытааччы буолбута, онон киниэхэ эмиэ сэбилэнэригэр соруйдум. Д. Дефо (тылб.)
4. көсп. Сэргэх. ☉ Бдительный
Эһэ хайа курдук Кыстаммыт хаһаас Кыраҕы харабылынан Саһыл кыылы анаабыт. ПИИ К
Кини [Серго] ааспыт хаатыргатыттан, билиҥҥи былааһыттан, политическай өттүнэн кыраҕытыттан, Лениҥҥэ …… чугаһыттан куруутун арыт дьулайар дьонтон, биһигиттэн, арыый саамай эдэр да курдук буолара. СОТА
Кинилэр [манабыллар] кыраҕы харахтарыттан бэл улахана суох этэрээт саһарыгар ыарахан. ЛВИ БУӨ
5. көсп. Олус болҕомтолоох, сыыс түһэрбэт. ☉ Проницательный, острый, пристальный
Уйбаан итинник кыраҕы көрүүлээҕин, уйан сүрэхтээҕин, киһини долгутардык суруйар дьоҕурдааҕын билбэккэ сылдьыбыппын кэлин санаатым. В. Сыромятников
Карикатура общественнай итэҕэстэри сытыытык көрөргө, дириҥник сыаналыырга, онон эстетическэй кыраҕыга иитэр. ВГМ НСПТ
Чахчылаах талаан баар буоллаҕына, ону норуот булгуччу бэлиэтиир, кини ити туһугар олус сэргэх уонна кыраҕы. «ХС»
ср. казах. кыраҕы ‘дальнозоркий’, кыр ‘зоркий, прозорливый; хваткий, ловкий’

аат. Күннээҕи олохтон араас сонуннары нэһилиэнньэ киэҥ араҥатыгар анаан сырдатар күннэтэ эбэтэр нэдиэлэҕэ, ыйга хаста да тахсар, улахан лиистэргэ бэчээттэнэр таһаарыы. ☉ Периодическое издание в виде больших листов, в котором публикуются новости, материалы о разных текущих событиях, газета
Хаһыакка Н.Г. Чернышевскай мэтириэтэ уонна бүтүн сирэйи толору кини туһунан ыстатыйа бэчээттэммит. Амма Аччыгыйа
Симон олбуорун таһынааҕы ыскаамыйаҕа, хаһыат тэлгээн баран, кинигэ ааҕа олороро. Л. Попов
Аан дойду балаһыанньатын Оҕонньор аахта хаһыаттан. Баал Хабырыыс
◊ Истиэнэ хаһыата — олохтоох хайа эмэ тэрилтэ иһинэн илиинэн оҥоһуллан эбэтэр бэчээттэнэн тахсар истиэнэҕэ ыйанар хаһыат. ☉ Рукописное или машинописное издание, вывешиваемое на стене какого-л. учреждения, заведения и т. п., стенная газета, стенгазета
[Тима] оскуолаҕа истиэнэ хаһыатын, илии сурунаалын ойуулуура, киэргэтэрэ. КНЗ ТС
Орто үйэлэргэ киһи тас дьүһүнүнэн кини ис хараахтарын сатаан биэрбэт буолан, үүт-үкчү билигин истиэнэ хаһыатыгар ойууланар карикатура курдук, айаҕыттан таһаарыллыбыт лиэнтэ төгүрүгэр бу киһи «хоһуун» эбэтэр «бэрдимсик» диэн суругунан быһаараллара. ФЕВ УТУ. Хаһыат (хаһыатхаһыат) сирэйин бараа кэпс. — хаһыакка олус элбэхтик таҕыс, бэчээттэн, хаһыат нөҥүө дьоҥҥо биллэр буол. ☉ Часто мелькать на страницах газет, получать известность, стать популярным через прессу
Холкуос аатырда, хаһыат сирэйин бараата. Г. Нынныров
Эчи, салҕан да хааллыбыт. Хаһыат сирэйин бараата. «ХС»
Эркин хаһыата — истиэнэ хаһыата диэн курдук. Эркин хаһыатын таһаардыбыт. А. Бэрияк