даҕ. Килбэйэн көстөр кылааккай бүтүннүүтэ дэхси ньуурдаах. ☉ Имеющий блестящую ровную гладкую поверхность
Киэһэ буолан, барыйан, Килиэ түннүктэр утуктаатылар. С. Васильев
Ыам ыйын эргэтигэр, бэс ыйын саҥатыгар хаар дьэ быһыта сиэһэн, хара сир тахсар. Сир да диэн, хайыр таас килиэ уорҕата көстөр. Н. Лугинов
Килиэ хайа бүтэһик ыпсылҕаныгар кэлэн, отууланан утуйан тураат …… сонордоһуубун салҕаабытым. Н. Абыйчанин
◊ Килиэ таас — бүтүннүүтэ таастан оҥоһуллубут, тутуллубут; килэбэчийэр. ☉ Сплошь, весь из камня; сплошь стеклянный; сверкающий
Аны аҕыс-тоҕус, онтон да үрдүк этээстээх килиэ таас дьиэлэри тутарга уураахтаабыттар. Н. Габышев
Бөһүөлэк аныгылыы көрүҥүнэн, килиэ таас дьиэлэринэн киэркэйэр. И. Федосеев
Күлүмүрдэс киэҥ килиэ таас түннүктэр оннуларыгар кырыакыаһаан буолбут муус чуолҕаннар күлүгүрэн тураллар. П. Филиппов. Килиэ тимир — бүтүннүүтэ, туох да булкааһа суох тимир. ☉ Сплошь из железа
Килэдийэр килиэ тимир халҕан Алларастаан баран, Аппас гынан Аһылла түстэҕэ. П. Ойуунускай
[Баай омуктар] киһитэ суох, бэйэтэ «санаатынан» сэриилэһэр килиэ тимир сэптэри оҥоро иликтэр. Амма Аччыгыйа
Үс хос килиэ тимир куйахтаах …… Үс дойдуну үлтү үктээн үтэ оҥостон сиир адьарайдар. «ХС». Муус килиэ — ханан да хаара суох ыраас, бүтүннүү муус. ☉ Сплошная ледяная гладь
Харачаев кыараҕас соҕус үрэх халдьаайытынан кэрийэ барбыт муус килиэ суолга бастаан киирэн кэллэ. Эрилик Эристиин
[Хаар] үрдэ киһи атаҕа тобулу үктээбэт муус килиэ гына килэриччи тоҥмута. Далан. Икки чаас көтөбүт, түөрт чаас көтөбүт. Бараммат муус килиэ, адаар хайа, арҕас хайа. С. Васильев
Якутский → Якутский
килиэ
килиэ-малаа
көр килиэр-малаар
Киил оҕонньор ол-бу диэки килиэмалаа көрүөлээн кэбистэ. Н. Лугинов
Лаҥкыы оҕонньор …… кыыс тугу да ыйыттын, төрүт хардарбат, килиэ-малаа көрбөхтүүр. А. Сыромятникова
килиэ-халаа
даҕ.
1. Олус сырдык, киэҥ, килбэйэр ньуурдаах. ☉ Очень светлый, просторный, сверкающий
Кыһыллаай хаһан да үктэммэтэх килиэ-халаа уоругун модьоҕотун атыллаабыта. Л. Попов
Бу оскуола …… кэбиниэттэрэ хайа да бэйэлээх килиэ-халаа куорат киэниттэн хаалсыбаттар. С. Федотов
Өлүөнэ эбэ хотун килиэ-халаа иэнигэр оҥочо устан иһээхтээтэҕэ. Н. Павлов
2. Киһи чаҕыйар, саллар (үрдүк сололоох, чыыннаах-хааннаах киһи туһунан). ☉ Грозный, устрашающий (о человеке высокой должности, сана)
Кимнээхтэри сүүмэрдээн Кинээс, кулуба оҥортоон Килиэ-халаа чыынынан Киэргэтэр этигитий? С. Васильев
Хараҥа батталтан хаһан тахсаммыт Ити курдук Килиэ-халаа дьону кытта тэҥҥэ Кэпсэтэр буолуохпутуй. УуУЛ
Еще переводы: