аат. Иистэнэргэ тарбаҕы иннэ дьөлө кэйэриттэн харыстыыр сөмүйэҕэ кэтиллэр кыра тимир оҥоһук. ☉ Напёрсток
Миигин түһээн көрдүн диэн сыттыгын анныгар кистээн сүүтүкпүн, кыптыыйбын уурабын. И. Гоголев
Хайа баҕарар дьиэҕэ, ыал ахсын сүүтүгүттэн тэлэбиисэригэр тиийэ эҥин араас тэрил элбэх. ФВН ТС
Хайа иистэнньэҥ иннэтин сүүтүгэ суох тутар үһү. «Кыым»
◊ Сүүтүк от — күөхтүҥү кыһыл эбэтэр күөх өҥнөөх сүүтүккэ, чуорааҥҥа маарынныыр сибэккилээх, кирбиилээх кытыылаах ньолбоҕор эбэтэр төгүрүк сэбирдэхтээх сибэкки от. ☉ Колокольчик (травянистое растение с лиловыми или тёмно-голубыми цветками, похожими по форме на маленькие колокола)
Арыылаах алаас Сырдык сыһыы: Сүүтүк от, Алтан бас… Үрүҥ, кыһыл… Сибэкки муората Сүрэҕи манньытар! М. Тимофеев
Күп-күөх, туус маҥан, уот кыһыл ортотугар, халлаан урсунун санатан, сүүтүк от оонньуурга дылы. «ХС»
[Артур] сүүтүк от чуорааннарын, бэйэтэ да билбэккэ, быыкаа лоскуй гына быһыта тыыта олордо. Э. Войнич (тылб.)
ср. ДТС, туркм. йүзүк, алт. дьүстүк, тув. чүстүк ‘кольцо, перстень’, ДТС йүксэк ‘напёрсток’, шүтүк ‘изделие из полых рогов крупного рогатого скота’