Якутские буквы:

Якутский → Якутский

киҥкир

I
көр киҥкил
Киҥкир ойуур көхсүгэр кэҕэ этэн чоргуйда. С. Васильев
[Кубалар] Талаһаллар киҥкир халлаан Таһаатыгар көҥүл-босхо …… Тайаара көтүөхтэрин. И. Федосеев
Киҥкир хара тыаларбыт Кылбаҥ куобах сонунан Кылбаарыччы таҥыннылар. П. Дмитриев
II
даҕ. Бүтэҥи, быһыттаҕас (саҥа). ☉ Глухая, отрывистая (о речи)
Оҕо ытыырын ортотугар, куһаҕан, киҥкир саҥа иһилиннэ. Н. Неустроев

киҥкир-киҥкир

сыһ. Тохтуутохтуу, бүтэҥитик, быһыттаҕастык (иҥэрсий). ☉ Тихо, глухо, прерывисто (ржать)
Дуул сылгы …… Киҥкир-киҥкир иҥэрсийэн Кэпсиир эбит, доҕоттоор. С. Васильев

киҥкир-хаҥкыр

сыһ. Быһыттаҕастык, бүтэҥитик, бүтэйдик (ыллаа). ☉ Под нос, приглушенно, прерывисто (петь)
Киҥкир-хаҥкыр ким эрэ ыллыыр. Р. Кулаковскай

Еще переводы:

тайбаахайдаа

тайбаахайдаа (Якутский → Якутский)

дьүһ. туохт. Түргэн-түргэнник дайбаан хаамп. ☉ Ходить быстро, широко размахивая руками
Эдьэҥ-ходьоҥ үҥкүүлээхтээн, Эри-буру тайбаахайдаан …… Киҥкир-хаҥкыр саҥараахтаан Иһиэхэйиҥ эрэ, доҕоор. Өксөкүлээх Өлөксөй
«Тохтуу түһэр буоллаххына, киирэ сылдьаар», — диэн баран оҕонньор тайбаахайдыы турбута. Н. Босиков

кылбаҥ

кылбаҥ (Якутский → Якутский)

даҕ., поэт.
1. Маҥан, сырдык өҥнөөх, кылбайан көстөр. ☉ Белоснежный, сияющий белизной
Кэнчээрилээх алаастарбыт, Киҥкир хара тыаларбыт Кылбаҥ куобах сонунан Кылбаарыччы таҥыннылар. П. Дмитриев
Кыраман ыраах дойдуттан Кылбаҥ маҥан кыталык Кыырай халлаан кырсынан Кырыйа көтөн кэлбитэ. М. Хара
Дыргыл тирэхтэриҥ Тылыбырас тыастарынан, Кылбаҥ хоптолоруҥ Кыҥкыр саҥаларынан Эҕэрдэлии көрсөөр, Эбэм Алланым! Урсун. Тэҥн. кылбаҕар, кылбараҥ, кылбар I
2. көсп. Туох да булкааһа суох, аҥаардас. ☉ Без всякой примеси, чистый
Оҕоҥ ыалдьыаҕын кэриэтин эн бэйэҥ Ыардык ыалдьарга бэлэмиҥ, Кылбаҥ уунан да сылдьаахтыыр этиҥ эн Оҕоҥ аччыктыан кэриэтин. Эллэй

киистэлэн

киистэлэн (Якутский → Якутский)

туохт.
1. Кыл курдук уһун синньигэс утахтан (от, бурдук туһунан этэргэ). ☉ Колоситься (о травах, зерновых)
Сэлиэһинэй бурдуктара …… Сиэр убаһа сиэлин саҕа Киистэлэнэн килбэйдэ. Саха нар. ыр. III
Төһөлөөх элбэх сири тиэрэн, тараан, көмүс киистэлэнэн куолас куппут сонуоктартан өлгөм үүнүүнү ылбыккытын ааҕан да сиппэт буоллугут ини. М. Доҕордуурап
Киистэлэнэн туораахтаныар диэри сиилэстэммит сытыган эрбэһин …… подсолнечниктааҕар ордук наадалаах аһылык буолар. ПВА ССССБ
2. поэт. Тылын, көҕөр, чэлгий. ☉ Распуститься, зеленеть, расцвести
Иинэн-хатан турбут Титирик тиит мастар Тэтэркэй киистэлэммиттэр. Өксөкүлээх Өлөксөй
Кэтит тайҕа киҥкир тыата Кэрэ туораах киистэлэннэ. С. Васильев
3. көсп. Элбэх утахтан, сарбынньахтан. ☉ Распускаться, расстилаться зубчатым, резным узором
[Бэргэһэ] Кыраай омук оҥорбут Кыһыл сукуна киистэлэммит. Саха нар. ыр. II
Киэһээҥҥи сарыал Кэрэ ытарҕа илбиргэһинии Киистэлэнэн киириитэ. Р. Баҕатаайыскай
Кирбии тумул кытыыта Киис тиҥилэҕинэн киистэлэннэ. С. Васильев