I
аат. Туран эрэ хаппыт титирик. ☉ Засохшая на корню молодая лиственница
Түннүгүнэн көрбүтүм — телебашня төбөтө тыалга хамсыыр курҕаайы мастыы хоккулла ахан турар. С. Руфов
Тукаам, эр киһи буоллаҕыҥ, мас кыстыырга мааҕыын кураанах курҕаайылары аҕалбытым, мастаан киллэр. И. Гоголев. Тэҥн. куруҥаайы
II
аат. Кураанах буолуу, кууруу-хатыы. ☉ Высыхание, сухость
Курҕаайы курдукпун: Куурбуппун, хаппыппын. Мин хара мутукчам — Мэлийбит куударам. С. Руфов

1. аат. Туран эрэ хаппыт мас. ☉ Сухостой
   Биэс-түөрт көтөх кэриҥэ маһы мастыырбын аҕай кытта куруҥаҕым бүтэн хаалла. Н. Неустроев
   Тыаттан Тиэхээн икки сыарҕанан Куруҥах тиэйэн киллэрдэ. Дьуон Дьаҥылы. Тэҥн. курҕаайы, куруҥаайы
2. даҕ. суолт. Куурбут-хаппыт, кураанах (үүнэн туран хаппыт маһы этэргэ). ☉ Сухой (о сухостое)
   Синньигэс куруҥах титириктэри илиитинэн турута тыытан, хас да сиргэ сылбахтыы кыстаабыт. Күннүк Уурастыырап
   Куула тыа куруҥах мастара хоолдьуктарынан кумахтаннылар. Эрилик Эристиин
   ср. др.-тюрк. хурҕах ‘сухой’, тюрк. курҕак ‘сухой, засохший’