Якутские буквы:

Якутский → Якутский

куудьуй

туохт.
1. Көҕүт, абылаа, санаатын абылаа. ☉ Манить, привлекать, обворожить
Ойоҕун Наталья Николаевнаны …… Дантес барон куудьуйа сатыырыттан сибээстээн поэты саакка угуу улам күүһүрэн испитэ. А. Пушкин (тылб.)
2. Уһуй, үөрэт (үксүгэр куһаҕаҥҥа). ☉ Приобщить, приохотить (к дурному, непристойному)
Арыгы Куһаҕаҥҥа куудьуйар, Уорарга уһуйар, Өлөрөргө үөрэтэр. Өксөкүлээх Өлөксөй
Куһаҕаҥҥа куудьуйаары Куодарыһар кубулҕаттаах Сиэри сирэйдэнэр Сэттэ уон сөрүүр албастаах Идэмэрдээх илэ илиэһэй Илимигэр иҥнимээриҥ!.. Р. Баҕатаайыскай
3. Санааҕар оҕустар, баҕар. ☉ Страстно хотеть, желать чего-л. [Тоҥус:] Хата Миигин кытта Куотуоххун куудьуйаҕын дуо? А
Софронов. Сахаҕа тыа ырыаһыттара ыллыы олорон аллитерация икки ассонанс иккигэ эрэ санаалара куудьуйар, оттон рифмаҕа букатын куудьуйбат. Күндэ

Якутский → Русский

куудьуй=

1) страстно хотеть, желать чего-л.; 2) жадничать, проявлять алчность; упкэ куудьуй = проявлять жадность к деньгам.

Еще переводы:

куудьуйуу

куудьуйуу (Якутский → Якутский)

куудьуй диэнтэн хай
аата. [Порни:] О, бурхан! Ол мин тугунан сидьиҥ майгыланным? Сибэтиэй таҥараларым, миигин абааһы куудьуйуутуттан быыһааҥ, абырааҥ. Пьесалар-1960.

буҕатыт

буҕатыт (Якутский → Якутский)

туохт., фольк. Кыаҕын улаатыннар, күүһүрт, бөҕөтүт. ☉ Делать более сильным, могучим, крепким
Тоҕус уон тоҕус Кудай кубулҕаттарын Куудьуйан ылан, Буор куппутун буҕатытыаҕыҥ. Өксөкүлээх Өлөксөй

сүргүөр

сүргүөр (Якутский → Якутский)

көр сүргүүр
Уот Чолбоодой удаҕан …… Тоҕус Туораахтаах Аан сүргүөрүнэн Үрдүк мындаабын Үстэ эргиппитэ, Куотар кубулҕакка куудьуйбута, Ааһар албаска дьаҥсаабыта. Д. Говоров

куудьут

куудьут (Якутский → Якутский)

куудьуй диэнтэн дьаһ
туһ. Онон Кинилэр [улуу дуолан удьуордарын], Кирис иҥиирдэрин уутун Килбэйэр ыстаалга иҥэрэн, Куҥ эттэрин хойуутун Кутуу куруһунаҕа куудьутан Аан дойду арҕаһыгар, Араат хайа чыпчаалыгар Ыстаал үҥүү гынан ытыарыыһы …… [диэн оҕонньор одууласпыта буолуо]. С. Васильев

куудьус

куудьус (Якутский → Якутский)

куудьуй диэнтэн холб. туһ. Бииктэр оҕобут да күнэ ааҕылыннаҕа буолуо ээ, хомуньуустары кытта куудьуспутун билиэ. Л. Попов
Эй, суох, ити киһи, хата, бөрөлөрү кытта куудьустаҕа буолуо... Итэҕэстэрин кинилэргэ анньан кэбиһээри. Н. Заболоцкай

куудьулун

куудьулун (Якутский → Якутский)

куудьуй 2 диэнтэн бэй., атын
туһ. [Ап-Чарай:] Бу сыакаары [Хочугуру] күлгэри оҥорон кэбиспэккэ (Үстэ сиргэ силлиир). Ап-хомуһун, алкылын, кубулун-дьибилин, куудьулун! Көстүбэт уола, күлгэри буол! И. Гоголев

оһуохай

оһуохай (Якутский → Якутский)

аат. Төгүрүччү туран тылы таһаарааччыны үтүктэн ыллыы-ыллыы, күнү батыһа хааман толоруллар саха национальнай үҥкүүтэ. ☉ Якутский национальный круговой танец, сопровождаемый хоровым пением — импровизацией участников (при этом все участники танца, взявшись за руки, вращаются по ходу солнца). Оһуохай түһүлгэтэ
□ Сайсары үрдүнэн сатарыыр оһуохай, Иһиллэр итиннэ Манчаары куолаһа
Эһиэхэй, оһуохай! Т. Сметанин
◊ Оһуохайдыыр оһуохай — оһуохайы таһаарааччы үгэс буолбут тыллара. ☉ Традиционный припев в танце осуохай
Эһиэкэйдиир эһиэкэй, Оһуохайдыыр оһуохай!.. Эһэ-эбэ саҕаттан Дьөһөгөйтөн төлкөлөөх Тоҕус улаан атыырбын Туналҕаннаах ньуурдаргар Куудьуйаммын куппутум. С. Зверев
Оһуохайдыыр оһуохай, Эһиэкэйдиир эһиэкэй! Тоҕус иилээх-саҕалаах Туруу-дьаҕыл дойдуга Туллук үөрүн кэриэтэ Тоҕуоруһан үөскээбит. Нор. ырыаһ.
◊ Оһуохай таһаарааччы — оһуохай тылын этээччи. ☉ Запевала осуохая. Ааттаах оһуохай таһаарааччы

кудай

кудай (Якутский → Якутский)

I
туохт., кэпс. Үллэ улаатан, култайан таҕыс (киһи, сүөһү иһин туһунан). ☉ Вспучиваться, вздуваться, надуваться (о животе)
Тууйаһыттан Алгыс, уулуу, Ымдаанын уймахтаата. Иһэ кудайан таҕыста, Бочугурас оҕотунуу. Р. Баҕатаайыскай
[Тума] ыанаары күүтэн турар кудайбыт истээх кырдьаҕас эбириэн ынахха синньин туһунан суосканы үҥүлүттэ. У. Нуолур
II
1. аат., фольк. Таҥара. ☉ Бог
Эһиги көрөр-харайар киһитэ суох, кудай илиитигэр хаалаҕыт. Эрилик Эристиин
Быһаарыыны кыргыз уонна алтаай тылларыттын булабыт: «аал-төлөн, …… кудай — таҥара». «ХС»
◊ Кудай дьаалы кубулҕаттаах <киһи> фольк. — эҥин араас албастаах, кубулҕаттаах-дьибилгэттээх. ☉ Обладающий волшебной силой, способностью превращаться в кого-что-л., оборотень
«От-татай, дьэ, оҕолор! Араан албастаах, кудай дьаалы кубулҕаттаах киһини түбэспиппин ньии!» — дии санаата. ПЭК ОНЛЯ I
Үс үлүскэннээх аан дойдуларын Кулугутун хамнатар Кудай дьаалы кубулҕаттаах …… [үөскээтэҕинэ, буойуллуох тустаах]. П. Ойуунускай. Кудай кубулҕат фольк. — эҥин араас кубулҕат, албас арааһа. ☉ Разнообразные уловки, хитрости. Күөкэт баай тойон …… Айталын Куону араан албаһынан, кудай кубулҕатынан, чиэрбэ дьибилгэтинэн уоран илдьэ олорор. ПЭК ОНЛЯ I
Тоҕус уон тоҕус Кудай кубулҕаттарын Куудьуйан ылан, Буор куппутун буҕатытыаҕыҥ. Өксөкүлээх Өлөксөй
ср. тюрк. худай, худаа ‘бог’ < худаай ‘бог’