аат. Сылгыны аһатарга, көрөргө-харайарга аналлаах тутуу. ☉ Конюшня
Кинилэр [нуучча сылгылара] бөдөҥнөр, түргэн сырыылаахтар, ол эрээри итии дойдуга үөскээбит буолан, түүлэрэ кыбыас, ол иһин тоҥуйдар, кинилэргэ итии көньүүһүнэ наада буолар. ЧМА ЭТНББ
Соҕуруу дойдуга сылгыны көньүүһүнэҕэ баайан аһатан уоталлар, оччоҕо лаппа аҕыйах ас ороскуоттанар. Сылгыһыт с. 1931 сыллаахха Дьокуускай куоракка өрөспүүбүлүкэ үрдүнэн суолталаах заводской көньүүһүнэ аһыллыбыта. АНП СЭЭ

I
аат., эргэр. Былыр саха боотурдара кэтэр тимир бэргэһэлэрэ. ☉ Железный шлем якутских боотуров-богатырей. Утуйа сыттахтарына эмискэ куйахтаах, дуулаҕалаах, батастаах дьон киирэн кэлэллэр. Саха сэһ
1977
Туоҕа Баатыр уонна Дагдаҕар Баатыр төбөлөрүгэр тимир чомпой дуулаҕаларын ууруммуттар этэ. Далан
Былыргы саха үтүө боотурдара моонньоох бастарыгар дуулаҕа диэн тимир бэргэһэ кэтэллэрэ үһү. НСА ПШЯП
чагат. дулуҕа, казах., бур. дуулҕа
II
даҕ. Күүстээх-уохтаах, модун, улахан. ☉ Очень сильный, могучий, мощный
Бэйэтэ түүн утуйбат дуулаҕа үлэһит, киһи кэргэннээхпин диир киһитэ. Болот Боотур
Кыбыас түүлээх атыыр оҕус дуулаҕа моонньун булгутан туора үүммүт кылгас суон муостарынан сири тоҕо силэйэрэ. Далан
Бөҕө Ньукулааскы биир күдьүс көрүҥнээҕэ - толору эттээҕэ-сииннээҕэ, дьон ортотугар киирдэҕинэ, дуулаҕа атыыр оҕус ынах сүөһү ортотугар сылдьарын курдук, сүдү көрүҥнээҕэ. «К». Тэҥн. дуолан 1.2

I
1. аат. Күһүҥҥү тугут тириитэ. ☉ Пыжик (шкура олененка, снятая осенью)
Кини таҥаһа бүтүннүү быыһык, оҕуруо уонна ойуу. Суорун Омоллоон
Хара быыһыктан, таба маҥан уонна хара тыстарыттан, тугуттан, күндү кылааннаах түүлээхтэн тигиллибит хотугулуу ойуулаах-симэхтээх саҕынньахтары, соннору, этэрбэстэри, бэргэһэлэри, үтүлүктэри таҥныбыт дьону көрүөххэ олус кэрэ. «ХС»
Имитиллибит тириини кытта таҥастаммыт тыһы уонна быыһыгы илтилэр. С. Курилов (тылб.)
△ Күһүҥҥү тугут. ☉ Осенний олененок
Түүлээннэр, быыһыктар Түүлэрэ кыбыастар, Муостара түүлээхтэр Муостуйа иликтэр. С. Данилов
2. даҕ. суолт. Быыһыктан тигиллибит, оҥоһуллубут. ☉ Пыжиковый. Быыһык бэргэһэ. Быыһык сон. Быыһык тэллэх
□ Инники өттө иҥнэстибит ампаар турар
Онон-манан быыһык саҕынньахтар, сукуна соннор, оһуордаах-ойуулаах этэрбэстэр намылыһан тураллар. Амма Аччыгыйа
Үрүҥ таҥас ойуулаах үргүлдьү тигиллибит бэргэһэлээх көҥдөйдүү уһуллар хара быыһык саҕынньаҕын уста биэрэн уҥа ороҥҥо бырахта. Болот Боотур
Кырдьаҕас Дьэргэли киэргэлгэ кэтэр быыһык сукуйун таһынан Россия наукаларын академиятыттан ылбыт улахан үрүҥ көмүс мэтээлин моонньугар иилиммит. П. Филиппов
II
быыһык ардах көр быыһы
Быыһык ардах ибиирэн түһэр. Ат туйаҕыттан сиигирбит суол буора иһэх буолан ыһыллар. В. Протодьяконов
Быыһык ардах, төһө да сэниэтэ суох курдугун иһин, быстыбакка ибиирэр. «Кыым»