ресница; ресницы; хойуу кыламан густые ресницы # кыламаҥҥын саптыҥ ты навеки почил (т. е. скончался).
Якутский → Русский
кыламан
Якутский → Английский
кыламан
n. eyelash
Якутский → Якутский
кыламан
аат.
1. Харах халтаһаларын кытыытынан үүммүт түү. ☉ Ресницы
Хоп-хойуу, уп-уһун хара кыламаннарын быыһынан төп-төгүрүк, ыпыраас саһархай харахтара …… холкутук, көрсүөтүк көрөллөр. Амма Аччыгыйа
Кыламаҥыттан собус-соҕотох бөдөҥ таммах кылабачыйан түстэ. И. Гоголев
Ньургустаана кыламаннарын быыһынан быһыччы көрөн, биир сири тобулу одуулаһар. В. Протодьяконов
2. көсп., поэт. Күн, уот сардаҥата. ☉ Лучи, сияние, блеск, свет солнца, огня
Хара тыа кэтэҕэр түһэн, кыратык нуктаан, хараҕын сабан ылбыт күн кыһыл көмүс кыламанын өрө көтөхпүтэ — аһаҕас аанынан киирэн, алтан сылабаар култаҕарыгар күлүбүрээтэ. Л. Попов
Күн сырдык кыламаннарын Күөлгэ түһэрэн суунна, Ийэ сир сарсыардааҥҥ Чэбдик салгынынан тыынна. Н. Босиков
♦ Кыламанын сапта (симтэ) поэт. — олохтон туораата, өллө. ☉ Скончаться, почить, забыться вечным сном, закрыть глаза навеки
Аҕаҥ тааһын анныгар Атахтаһан сыппатыҥ. Кыргыс хааннаах аартыгар Кыламаҥҥын симпитиҥ. П. Тулааһынап
Билигин бэрт ахсааннаахтар [сэрииттэн] сиидэлэнэн кэллэхпит, үгүстэр бүгүҥҥү олохпут туһугар кыргыс толоонугар үйэ-саас тухары кыламаннарын саптахтара. «ХС»
Еще переводы: