Якутские буквы:

Якутский → Русский

кылыкына

молодая поросль тальника.

Якутский → Якутский

кылыкына

  1. аат. Үрдүк, көнө иирэ талах хойуутук үүммүт сирэ (үксүн кумах сиргэ, өрүс арыыларыгар баар). ☉ Молодая поросль тальника, густо растущая на наносных песках
    Өлүөнэ өрүс кылыкына талаҕыттан битэмииннээх мээккэни «АВМ» агрегатынан бэлэмнээһин быраактыката биһиги сопхуоска 1977 сыллаахтан олохтоммута. СӨА
    Дэриэбинэ олохтоохторо кытыл кылыкынатын мастаан оттоору кэрдэн кэбиһэн иэдээҥҥэ түбэспиттэрэ. «Кыым»
  2. даҕ. суолт. Көбүс-көнө, синньигэс, уһун. ☉ Прямой, стройный, тонкий, длинный
    Лааҕыр тула өттө синньигэс кылыкына мастардаах сэндэҥэ тыа буолан, балачча ыраахха диэри көстөрө. Д. Таас
    Уһун кылыкына оттор сарсыардааҥҥы сиккиэр тыалтан хамсаан, киһи билбэт тылынан тугу эрэ кэпсэтэн, сипсиһэн, суугунаһа тураллар. Г. Колесов. Тоҥуу хаары оймуу сылдьан, хороччу тоҥмут кылыкына титириктэри тоһута тыыттылар, быһыта сыстылар. А. Федоров
    ср. др.-тюрк. хаҕыл ‘ивовая ветвь; ивовый прут, розга’

Еще переводы:

кылыкын

кылыкын (Якутский → Якутский)

аат. Үөр хаас саҥата. ☉ Гогот гусиной стаи
[Хомус] Киэҥ Лена дуйдаах долгураҥа, Үөр хаас айманар кылыкына, Көмүс үрүйэ күлүмүрэ Бу нарын дорҕооҥҥор биллэрэ. Л. Попов
Арыт халлаан сырдык күөҕэр Ааһар көтөр кылыкына сүтэр. И. Алексеев
Өрүү аймана истэбин Түүн үөһэ хаас кылыкынын Ыҥырсан кэпсэтэллэрин Өйдүү, таайа сатыыбын. В. Миронов

кыллаах

кыллаах (Якутский → Якутский)

даҕ. Сылгы кылынан оҥоһуллубут, тигиллибит, ойууламмыт. ☉ Сделанный из конского волоса, украшенный конским волосом
[Хатыҥ:] Үс дүгдэ туоспуттан Кыллаах иһит оҥордулар, Араҕастай арыыларын Таптайбытынан бардылар. Саха нар. ыр. I
Кыллаах кыра ыаҕайаны тоҕонохтоммут, …… ис киирбэх сэбэрэлээх эмээхсин тыа саҕатыттан аа-дьуо налыҥнаан таҕыста. С. Федотов
Кыллаах кырыыппаҕа оонньооһун биэс суол араастаах буолар. ЧАИ СБМИ
◊ Кыллаах дүҥүр — ойуун кыырарыгар туттар дүҥүрүн биир көрүҥэ: дүҥүр ис өттүнэн үстэн биэскэ тиийэ кыл тардыылаах буолар, ону ойуун кутурар кэмигэр олбоҕор олорон эрэ кылыкына эбэтэр кылыбыр диэн чараас кыра ылтаһынынан таарыйан, кылыкынас тыаһы таһаарар. ☉ Один из видов шаманского бубна: на его внутренней стороне имеется от трех до пяти натянутых струн из конского волоса
Шаман во время камлания, сидя, прикасается к струнам маленькой жестяной лопаточкой и извлекает нежные звуки. Ойуун кыллаах дүҥүрүн кылыкынатта

кылыбыр

кылыбыр (Якутский → Якутский)

I
аат. Кыллаах музыкальнай инструменнары (хол., кырыымпаны, мандолинаны) кылын охсон тыаһатарга туттуллар, кыра хаптаҕай муостан, пластмассаттан, ылтаһынтан оҥоһуллар быластыыҥка. ☉ Тонкая пластинка, посредством которой извлекаются звуки при игре на некоторых струнных щипковых инструментах (напр., мандолине, балалайке), медиатор
Таҥсыры тарбаҕынан уонна кылыбырынан оонньотор гына тупсарыахха наада. «ХС»
Көннөрү дүҥүртэн атына диэн иһинэн үстэн биэскэ тиийэ кыл тардыылаах буолар. Ону [Кыллаах дүҥүрү] ойуун олбоҕор олорон эрэ кутурарыгар кылыкына эбэтэр кылыбыр диэн чараас кыра ылтаһынынан кылыкынатан оонньуур эбит. «ХС»
II
даҕ.
1. Көнө, уһун, мутуга суох (мас, талах туһунан). ☉ Прямой, длинный, без сучков (о дереве, тальнике)
[Үөт:] Өрүскэ [сиэмэбин] көҥүл ыытыам. Өрүскэҥ сүүрүк сыбаан, Кытылга үүнэн тахсыа Кылыбыр үтүө ымаан [талах]. И. Чаҕылҕан
2. поэт. Сырдаан, чаҕылыйан көстөр (уу туһунан). ☉ Сверкающий, поблескивающий (о водной глади реки, озера)
[Куоҕас] Кылыбыр уу кырсын Кынатынан таһыйда, Хаар маҥан түөһүнэн Халтарыйан барда, Көмүс мөһүүрэ күөлтэн Көтөҕүллэн күөрэйдэ. Е. Васильев