көр көрсүөтүк
Көссүөтүк сырыт диэтэххэ кыыһыраҕын. А. Софронов
Хомсомуоллар, дьиэлээх дьон быһыытынан, ыалдьыттары кытта көссүөтүк, эйэҕэстик кэпсэтэр өйдөннүлэр. Амма Аччыгыйа
Кини тэҥ гына кырыйыллыбыт будьурхай баттахтаах, көссүөтүк көрбүт киэҥ харахтардаах, ыраастык бириэйдэммит сэҥийэлээх. Эрилик Эристиин

аат. Күүс өттүнэн күһэйии. ☉ Принуждение к чему-л., принудительное воздействие на кого-л.
Европа, Азия, Африка хаартата күүһүлэҥинэн хаттаан кырыйыллар. ПАК
Кинилэр хара күүһүлэҥ муҥунан кэлэн, оскуолаҕа түмсүбүт бэйэлэрэ, билигин бэйэлэрин көҥүллэринэн ийэлэрин уонна аҕаларын хаалларан, төрөөбүт дьиэлэриттэн күрээн, манна кэлбит этилэр. Н. Гоголь (тылб.)

ылҕан диэнтэн атын
туһ. [Сүөһү] атаҕын иҥиирин сыыйан ылыллар. Иҥиир сындааһынын уонна бэстээҕин ылҕаныллар. ААН ТИиК
Балык хатырыгын ыраастаан, иһин ороон баран икки гына быһаҕынан быһыллар. Уҥуохтарын үчүгэйдик ылҕаныллар. ТИИ ЭОСА
Сылгы туохха эмэ өлөрбүт бааһын эмтииргэ баас тулатыгар баар түүнү кырыйыллар, бааска хаалбыт буору-сыыһы ылҕаныллар. НПИ ССЫа

I
тыаһы үт. туохт. Түргэнник үрүт-үрдүгэр «дьырдьыр» диир курдук бүтэҥи соҕус тыаһы таһаар. ☉ Издавать частый дребезжащий глухой звук, задребезжать
Трамвай дьырдьыгынаан-дьырылаан кэлэн, тохтуоҕар тиийбэккэ эрэ, ойуталаан түһэммит, …… тыйаатыр иһигэр киирэммит - мунньах аһылларын кэтэһэн олордубут. П. Ойуунускай
II
дьүһ. туохт. Ыраас ньуурга биир тэҥник кэккэлээн ырылыччы көһүн. ☉ Ясно виднеться одинаково ровным рядом
Кумааҕынан кырыйыллан, хара кырааскалаах хаптаһыҥҥа сыһыарыллыбыт буукубалар, хараҥа да буоллар, чуолкайдык дьырдьыгынаан көстөллөр. Эрилик Эристиин
Тимир аты мииммит киһи нэһилиэк кэнсэлээрийэтигэр ааспыт суола сииктээх буорга дьырдьыгынаан хаалбытын дьиктиргии көрөрүм. Сэмээр Баһылай
Кыһын куобах ойуолаабыт суола хаар үрдүгэр модьоҕолоно дьырдьыгынаабыт. «Кыым»
III
туохт. Этиҥ сааһа аһыллан, тымныы сүүрээн ааспытын курдук буолан ыл. ☉ Чувствовать неприятную дрожь в теле
«Бэйи ааҕыстахха, эһиги да холоон инигит!»- Аргыылап эт-этэ дьырдьыгынаан, биир сиргэ таба үктэммэккэ, эргичиҥнээтэ. Софр. Данилов
Ханнык эрэ кыыс хатаннык часкыйда. [Хобороос] онтон соһуйан, этин сааһа аһыллан, дьырдьыгынаан ылла. А. Сыромятникова