Якутские буквы:

Якутский → Якутский

кыһалаа

туохт. Туохтан эмэ көмүскээн хаххата, модьоҕото оҥор. ☉ Устраивать преграду, порог в целях защиты, охраны кого-чего-л.
Тыһы эһэ оҕолорун бэйэтин бүгэр киллэрэн, кэлин атаҕар кыһалаан, илин атаҕынан сабан утуйардыы харахтарын быһа симэн кэбистэ. Р. Кулаковскай
Сорох үрүйэлэр төрдүлэригэр буорунан, балбааҕынан кыһалаан …… быһыттары оҥортообуттар. ЕВФ УуДК

Еще переводы:

кыһалан

кыһалан (Якутский → Якутский)

кыһалаа диэнтэн атын
туһ. Ол сиргэ билигин хойуу тирэх мастарынан кыһаламмыт аспаал уулуссалардаах Алдан — улахан, аныгылыы куорат ньиргийэ турар. С. Данилов
Үрдүк буолан кирээдэ кытыылара сиҥнээччилэр. Ону хаптаһынынан кыһаланар. ГСҮЦХ

быраан

быраан (Якутский → Якутский)

аат. Өрүс, үрэх хочотун икки өттүнэн кыһалыы, сэлэлии үрдээн турар буор модьоҕо томтордор, хайалар. ☉ Горы, холмы вдоль берега или долины реки; коренной берег, высокая терраса (обычно у рек, текущих по плоскогорью)
Сырыттым ахтыбыт ыырдарбар — Арҕааҥҥы бырааным сиһигэр — Улахан-куччугуй маардарбар, Үрүччэм тыгыалыыр сиригэр. Күннүк Уурастыырап
Өлүөнэ эбэкэм үргүөрүн үрдүгэр, Кэрискэ бырааным кэрдиитин иһигэр, Тунаарар Туймаадам таманын киинигэр Туругуран тураҕын, Дьокуускай куоратым. И. Чаҕылҕан
Элиэнэ эбэккэм үлүскэн сүүрүгэ Икки күөх быраанын аннынан килбэҥниир, Сүүрүккэ көрүнэр быраанын дьүһүнэ Күөҕүнэн долгуйан көмүстүү мичиҥниир. И. Эртюков

чачылаа

чачылаа (Якутский → Якутский)

туохт. Тугунан эмэ туох эмэ тулатын бүүрүктүү, кыһалыы уур. ☉ Обкладывать по краю, окаймлять что-л. чем-л.
Аны эрбэһин бөҕөнү үргээн, көтөҕөн мадьалытан аҕаламмын, [дурдам] ханан да кылайан көстөр хайаҕаһа суох гына чачылаан-чачылаан, хараҥа буолуута бүтэрдим. Р. Кулаковскай
[Иин] уутун хочулуокпутунан баһа сатаан баран, хатырыгынан чачылаан, синиэлигэр суулаан көмпүтэ буолбуппут. ССХУо
Икки үлэһит сибэкки олордоору күөрэлээбит сири суоруллубатах адаархай тааһынан чачылыы турар. Л. Толстой (тылб.)

чарапчылан

чарапчылан (Якутский → Якутский)

туохт.
1. Сырдыктан мэһэйдэтэн эбэтэр ырааҕы көрөөрү, ытыһыҥ кырыытынан эбэтэр тугунан эмэ хараҕыҥ үрдүнэн сүүскэр хаххалыы, кыһалыы тут. ☉ Прикрывать, заслонять глаза рукой, приложив её ко лбу козырьком (от света или чтобы смотреть вдаль)
Алаас уҥуор мэччийэ сылдьар сүөһүлэри чарапчыланан одууласпыта буолбута. И. Гоголев
«Көр, тыал түһээри гыммыт!» — Тит Горохов өрүс диэки чарапчыланан көрдө. С. Дадаскинов. Ойуун былаайаҕынан чарапчыланан түөрт өттүн көрүөлээтэ. «Чолбон»
2. көсп. Туохха эмэ (үксүгэр кыаллыа суохха) санан, турун. ☉ Замахнуться, позариться на что-л. труднодоступное
Тамыйах абааһыта кулуҥҥа чарапчыламмытыгар дылы (өс хоһ.). [Вера Семёновна:] Өссө, хотуой, биһиги куоракка таас дьиэҕэ чарапчыланан көрөр санаалаахпыт ээ. И. Семёнов
Бөҕөстөр ХХ-с Олимпиада кыһыл, үрүҥ көмүс уонна боруонса мэтээллэрин иһин чарапчыланан кэбиспиттэрэ. КИС АаДЧ