туохт. Тугу эмэ сөбүлээбэккин, хом санаабыккын биллэрэн кыйаханан киҥир-хаҥыр саҥар. ☉ Выражать раздражение, недовольство кемчем-л., роптать
Настаа эмээхсин кэмириммитэ буолан барда: «Аны халыыммыт эмиэ буойуулаах, аны урууга-тарыыга, бэл, бэйэбит бас билэр үппүтүнэн сыбаайба оҥорорбут эмиэ сиилээх-хоһуулаах». П. Ойуунускай
Оҕонньор оһох айаҕар аргынньахтаан олорор, төбөтүн хам туттан олорон, кэмиринэр. М. Обутова-Эверстова
Кондрат ынаҕын көрөкөрө: «Кырыыстаах, кытараан хааллаҕа», — диэн кэмириммитэ. М. Шолохов (тылб.)
ср. тув. химиренир ‘брюзжать, бормотать’

туохт. Тугу эрэ сыыһа гыммыккын, оҥорбуккун билинэн бэйэҕин улаханнык буруйдан, хомуруй. ☉ Испытывать глубокие угрызения совести по поводу содеянного
Мин ытыы-соҥуу, кэмсинэ-кэмиринэ хааллаҕым. И. Гоголев
Кэмсинэрэ-кэмиринэрэ, бэйэтин буруйданара, аньыыны-хараны оҥорбут курдук сананара. В. Яковлев
Эн иннигэр ыар буруйдаах Лиза суруйар. Эн суруккун тутан бараммын, бэйэм да кэмсинэр-кэмиринэр буоламмын, олус долгуйбутум. И. Федосеев