Якутские буквы:

Якутский → Якутский

кэһэх

аат., эргэр.
1. Ох хаата. ☉ Колчан
Сынаҕы Баай эйиэхэ тоҕо эрэ Соҕотох оноҕостоох кэһэҕи ыытта. И. Гоголев
Кини [Мэкчэ] аттыгар кыырыктаах үҥүүтэ уонна кэһэхтээх оҕо бэлэм сыталлара. Далан
Маһары Баһыакап хоруобун хаҥас диэки өттүгэр ох саатын, …… оноҕосторун тирии кэһэххэ уган, ол аттыгар батаһын уонна батыйатын уурбуттар. БИГ ӨҮөС
2. фольк. Хаа. ☉ Вместилище чего-л., сума
Кураанап, кэһэхтээххэ дылы, Хара Ыстапаан куотуоҕуттан хаптайа түһэн баран, эмиэ күөртэҥэлээн эрэр. Айталын
◊ Кэһэхтээх үөн — хаалаах үөн. ☉ Набитый червями, червивый
Хайа дойду хабарҕатыгар харахтаах халларыыта кэлэн, кэһэхтээх үөнүнэн кэҕэрдэ олордоҕой? Саха фольк. Бу туох ааттаах абааһы көтөрө кэлэн кэһэхтээх үөнүнэн кэҕэрдэн барда?! Д. Апросимов
др.-тюрк. кеш

Еще переводы:

колчан

колчан (Русский → Якутский)

ж. ист. саадах, кэһэх (оноҕосхаата).

кунньалык

кунньалык (Якутский → Якутский)

аат. Ох оноҕосторун хаата, кэһэх. ☉ Колчан
Тимир тиҥсирики оноҕоһун кунньалыгар астылар. ПЭК СЯЯ
Хат дьахтар Хабаҕа хаппардаах, Буос дьахтар Буома кунньалыктаах Оһол уола. П. Ойуунускай
ср. тюрк. конч, кунч ‘голенище’

өмүскэ

өмүскэ (Якутский → Якутский)

аат., түөлбэ., кэһэх 1 диэн курдук
Уол ол баран Өлөөҥҥө биир уус олороругар тиийэн үс өмүскэ оҕу оҥорторбут, онтуката үс суол араас ох эбитэ үһү: мас ох, муос ох уонна тимир ох. Саха сэһ. I

кэһиэх

кэһиэх (Якутский → Якутский)

I
аат.
1. Оргутарга, буһарарга иһиккэ ас сыстан хаалбыта (хол., үүтү оргутарга, хааһыны буһарарга). ☉ Накипь (на дне, стенках посуды)
Манна [тайҕаҕа] кутталтан куотуом, дууһабар сөҥмүт кэһиэҕи сайгыам диэн санаалааҕа. М. Ефимов
Уу адьас кытыытыгар солуур кэһиэҕин курдук араҕастыҥы өҥнөөх туус үллэр эбит. И. Данилов
Үүтү оргуппут иһит түгэҕэр кэһиэх үөскээччи. Ити үксэ үүт белогуттан — альбуминтан үөскүүр. СЕТ ҮА
2. Кэһиэҕи ыраастыырга туттуллар тимир сэп. ☉ Скребок (для очистки от нагара дна и стенок посуды)
Мин иэччэхтээх иэтим дьэбиннириэ суоҕа, кэдэгэр кэһиэҕим бэттиэ суоҕа: оҕом Айаал кинилэри көмүстүү өҥнүөҕэ, күннүү күлүмнэтиэҕэ. Суорун Омоллоон
◊ Кэһиэх лабыкта — сыгынньах таастарга үүнэр кэриэрбит кэһиэххэ маарынныыр өҥнөөх лабыкта. ☉ Разновидность ягеля, растущая на скалах
Сыгынньах таастарга уот кэриэрдибит кэһиэҕэр маарынныыр кэһиэх лабыкталар олохсуйаллар. КВА Б
ср. др.-тюрк. кез ‘нагар от молока и других продуктов на дне кастрюли’, хак. кис ‘накипь (в самоваре, чайнике)’
II
көр кэһэх. Оҕонньор кэһиэҕиттэн (саадаҕыттан) үс оҕу сулбу тардан таһаарар. Саха фольк.

саадах

саадах (Якутский → Якутский)

аат., эргэр.
1. Былыргы саха ытар тэрилэ: ох саата, саатын хаата, ытар охторо, охторун хаата. ☉ Старинный якутский лук со всеми принадлежностями: чехлом, колчаном со стрелами
Кэлэн кураахтаах саатын саадах ыйыыр мас муоһугар ыйаан кэбистэ. Саха сэһ. I
[Эдэр поэт] Саадах тутар сааһыгар тиийбит Сүрэҕэ тэһийбэтэ… «Кынаттаах буолан, ийэ сирбин эргийдэрбиэн!» — диир этэ. Эллэй
2. Ох саа хаата. ☉ Чехол для лука, налучие
Аал Луук Мас хаҥас анныгар турар лөкө сэргэҕэ бухатыыр киһи кэһэҕэ, саадаҕа ыйаммыт. Суорун Омоллоон
3. Былыргы ох саа охторун (оноҕосторун) угар хаа, кэһэх. ☉ Кожаная сумка, футляр для стрел, колчан. Уол оҕо саадаҕын үстэ курданан баран киһи буолар (өс хоһ.). Тыгын уолаттара көрбүттэрэ, арай Майаҕатта дьиэтин диэкиттэн, батастаах саадаҕын иилиммитинэн, кырыктаах үҥүүтүн кыбыммытынан, ньир муос саатын туппутунан, супту хааман суодайан иһэр эбит. Саха сэһ
1977
тюрк., монг. саадак, саадаг, саадак, сайдак