Якутские буквы:

Якутский → Якутский

көппөхтөө

I
көт диэнтэн тиэт
көрүҥ. Күөлү үрдүнэн кыракый «По-2» сөмөлүөт иҥнэйэ-иҥнэйэ, эргийэ көппөхтөөн баран …… аллара сырылаан түһэн, күрдьүллүбүт киэҥ суолунан дабдалыйа сүүрэн иһэн, тарас гына тохтуу биэрдэ. Амма Аччыгыйа
Биирдэ күнүс, форточкабытынан, хоспутугар барабыай көтөн киирдэ. Төттөрү-таары көппөхтөөтө, эркиҥҥэ, муннукка тиийэн кэтиллимэхтээтэ. И. Сосин
II
туохт. Көппөх курдук оҥор; ону-маны бэрээдэгэ суох чөмөхтүү бырах. ☉ Скучивать, складывать в кучу, как попало
Хомсомуолга киирээри көрдөһөн Кумааҕы бөҕөнү көппөхтөөтө... С. Васильев
Бүлүмүөт тиҥийэр, битийэр: Хаан өстөөх өлүгэ көппөхтүү Траншея иннигэр тэлгэнэр. В. Правосуд (тылб.)

Еще переводы:

баллыгыраамахтаа

баллыгыраамахтаа (Якутский → Якутский)

баллыгыраа диэнтэн тиэт
көрүҥ. [Кутуйах] онтон аҕыйахтык баллыгыраамахтаат «ча-ас» дии-дии өрүтэ көппөхтөөн ылла уонна кутуругун тиэрэ бырахпытынан тыа диэки тахса турда. Р. Кулаковскай

көппөхтөн

көппөхтөн (Якутский → Якутский)

көппөхтөө II диэнтэн бэй., атын
туһ. — Эчи таҥаһыҥсабыҥ даҕаны көппөхтөнөн түһэн... — Валя эйэҕэстик күлэн сыһыгыраата. В. Протодьяконов
Мал-сал бөҕө көппөхтөнө тиэллибит. «ХС»

кэтиллимэхтээ

кэтиллимэхтээ (Якутский → Якутский)

кэтилин диэнтэн тиэт
көрүҥ. Кэтиллимэхтээбит хара бинсээги кэтэн дириэктэрим …… бэркэ тиэтэйэн дьиэтиттэн тахсан кэлэр. П. Чуукаар
Барабыай төттөрү-таары көппөхтөөтө, эркиҥҥэ, муннукка тиийэн кэтиллимэхтээтэ. И. Сосин

сиппиирдээ

сиппиирдээ (Якутский → Якутский)

сиппий диэн курдук
Тыал былыргы храмнар Аас быылларын сиппиирдии Баай Индия муударай, аар Номохторун кэпсиирэ дии. И. Гоголев
Кыһыл этэрээт, кур көппөхтүү, Өстөөҕү Бүлүү устун сиппиирдиир. Эллэй
Тыал бөҕү сиппиирдээн кылбаччы ыраастыыр. Айталын

ньылас гын

ньылас гын (Якутский → Якутский)

ньылай 1 диэнтэн көстө түһүү. Оҕонньор тииһин быыһынан чыпчырыммахтыыр, …… уонна ньылас гынан, уҥа орон диэки силлээн унаарытар. Амма Аччыгыйа
Витяны [ыта] тула көппөхтүүр, эккэлээн барар уонна кулгаахтарын ньылас гыннаран баран, туора ыраах-ыраах ойуолаан ылар. Н. Заболоцкай
«Бу докумуон сокуоннай күүһэ суох», — дии-дии Буут Уйбаанабыс биһиги диэки ньылас гынна. Н. Габышев

суксулдьуй

суксулдьуй (Якутский → Якутский)

суксуй диэнтэн арыт
көстүү. Куула тыа үрдүнэн, араастаан саҥара-саҥара, суор обургу оҕолорун үөрэтэ сылдьар. Өрө-таҥнары көппөхтүүр, уҥа-хаҥас суксулдьуйар. И. Сосин
Оҕонньор саатын, тайах маһын ылан, үүтээнин аанын баттатан, тыатын диэки хааман суксулдьуйа турбута. В. Яковлев
Кини саҥата суох хааман суксулдьуйан кэлэн, Туллайы саҕатыттан харбаан ылбыта. «ХС»

дьиэрэҥкэйдээ

дьиэрэҥкэйдээ (Якутский → Якутский)

туохт.
1. Аҥаар атаххар чэпчэкитик иккилиитэ өрө тэйэн, ол кэмҥэ атын атаххын илинкэлин эйэҥнэтэн үҥкүүлээ. ☉ Танцевать, подскакивая на одной ноге, одновременно приподнимая и отводя другую ногу то вперед, то назад
Оҕо сааспыт бэһиэлэй Оһуокайын оонньуубут, Кыһыл көмүс кыым курдук Дьиэрэҥкэйдии ойобут. Эллэй
Маайыс - бурдук ото «кырыымпатын» дьабадьытынан өрө үрэн кэбиһэр да өрүтэ ойуолаан дьиэрэҥкэйдээбитинэн барар. Амма Аччыгыйа
2. Аҥаардыы атаххынан иккилиитэ өрүтэ ойуоккалаан сүүр. ☉ Бегать, подскакивая попеременно то на одной, то на другой ноге
Кыыс оҕонньорго утары дьиэрэҥкэйдээн кэллэ, икки илиитин даллах гынаат, моонньуттан кууһа түстэ. Л. Попов
Зоя бэйэтэ ханна эрэ кыһыл хаалтыстаах, саҥа бачыыҥкалаах сааскы чаҕыл сарсыарда дьиэрэҥкэйдээн баран иһэрэ. Н. Габышев
3. көсп. Өрүтэ көппөхтөө, өрүтэ тэйбэхтээ; дьиримнээ. ☉ Подскакивать, отскакивать; мелькать, рябить
Бөдөҥ, ыарахан таммахтар, оҥхой сир халыйбыт чалбахха түһэн, дьиэрэҥкэйдээн тэйдилэр. Софр. Данилов
Оттон синньигэс тарбахтара рояль маҥан клавишаларын устун имигэстик дьиэрэҥкэйдииллэр, кылыйбахтыыллар, эмиэ да өрүтэ көппөхтүүллэр. Г. Колесов
Лена мааны кыргыттара - Эһиэхэйдьит долгуттар Чэйиҥ, көтүҥ дэспиттии, Дьиэрэҥкэйдии сырсаллар, Таастаах дьирбии биэрэккэ Тахсан саһан хаалаллар. Т. Сметанин
Ыраас тунал салгыҥҥа, Ыраата, арыт чугаһыы - Дьэргэлгэн өрө көттө, Дьиэрэҥкэйдээн ылла. А. Бэрияк