Якутские буквы:

Якутский → Якутский

лаппараҥ

аат., түөлбэ. Хайа эбэтэр арҕас сир киэҥ кэрдиис долбуурдара, долбуурдуу сирэй. ☉ Широкий уступ в виде небольшой равнины на склоне горы, холма, широкая горная терраса
Сэргэчээн олорор аппатыттан үөһэ хайа лаппараҥар тахсан сири көрүтэлии сырыт та. Болот Боотур
Уулаах киһи уҥуох таах тумул диэки көрбүтэ, тумул үөһээ лаппараҥар саҥа ха һы л лы быт буор ыһылла сытар эбит. Эрилик Эристиин
Сис лаппараҥар айаан оҕото баарыгар ол саҕатыгар ыттара тохтоппуттар эбит [тайаҕы]. В. Яковлев. Тэҥн. лаппараах

Еще переводы:

быардыйа

быардыйа (Якутский → Якутский)

аат. Хайа (быраан) туруору эниэтин лаппараҥа. ☉ Уступ (горы)
[Маҥнайгы холкуостаах:] Эн этэриҥ сөп эбит. Харыйа турар быардыйатыгар иҥнибитэ буолуо. С. Ефремов

лаппараах

лаппараах (Якутский → Якутский)

аат., к э п с. Кирилиэс курдук кэрдиистэнии, кэрдиистэнэн түһүү (хол., сыыр, хайа сирэйигэр). ☉ Земляные ступеньки, уступы (напр., на склоне горы, горки)
[Кыыл табаларга] хантан үөмэн киирэн ытыахха сөптөөҕүн барыллыы турдахпына, уҥуоргу хайа лаппарааҕыттан биир киһи үөмэн киирбитэ. Н. Апросимов. Тэҥн. лаппараҥ

көтүрүтэ

көтүрүтэ (Якутский → Якутский)

  1. сыһ. Самнары, араартыы, үлтүрүтэ (оҕус, тарт). ☉ Разорвав на части, развалив, раздробив (разрушить)
    Уоттаах харахтарын Умсары көрдөрөөр, Күдэн күүстэрин Көтүрүтэ охсоор. С. Зверев
    Өстөөх диэки көтүрүтэ тэбэр бүтэй тыастар иһилиннилэр. Т. Сметанин
    [Ынах — соноҕоско этэр] Көрүүтэ эрэ суох диэҥҥин Көйгөтүтэ санааҥҥын Көмүрүө тиистэрбин Көтүрүтэ тэппиккин Тойоҥҥо этэммин Тос мааскаҕын Бэрдэрэрим буолуо. И. Чаҕылҕан
  2. Сорох туохтууру кытта хас эмэ сиринэн эбэтэр төхтүрүйэн алдьатыы өйдөбүллээх хайааһын араас көрүҥнэрин бэлиэтиир уустук силлиспит суолталаах холбуу тыллары үөскэтэр. ☉ В сочетании с некоторыми глаголами образует составные слова, обозначающие конкретные виды действия с общим понятийным смыслом «многократно разрушать, разрывать, вырывать; расползаться, распарываться» (см. көтүрү)
    Күлэ-күлэ Күкүр хайалары күөммүнэн Көтүрүтэ көтөр, Көстүбэт күүстэнним. А. Софронов
    [Буура Дохсун бухатыыр] көҥүтэ барбыт оройдоох, көтүрүтэ барбыт эркиннээх …… күрүҥ булгунньах тоҕус буоҕуратыгар чугуулаан, аҕыс лаппараҥар атаралаан күн тыкпыт күлүм чаҕыл күөнүгэр тахсан, көп соҕус күөх от үрдүгэр көхсүнэн күөлэһийбэхтээн [ылла]. Эрилик Эристиин
    Яков бу уоттуйан хаалбыт уонна олус кыараҕас таҥаһы сэрэнэн, тиирэ киэптээн кэппитэ …… субу сиик сииктэринэн көтүрүтэ баран хаалыах курдук этэ. Н. Заболоцкай