Якутские буквы:

Якутский → Русский

майгылаа=

слегка походить, быть похожим на кого-что-л.; иметь сходство с кем-чем-л.; кини мин билэр киһибэрмайгылыыр он напоминает мне моего знакомого; туохха да майгылаабат (это) ни на что не похоже; ср. маарыннаа =.

Якутский → Якутский

майгылаа

туохт.
1. Ханнык, хай дах эрэ сигилилээх, хараахтардаах гын. ☉ Влиять на чей-л. характер, чью-л. природу
Хапытаал баһылаан үлэһит дьону дьаат курдук буорту гыммыта, сидьиҥ быһыылаабыта, майгылаабыта. П. Ойуунускай
Айылҕа хабдьыны төһө эмэ сытыары сымнаҕас, судургу көнө майгылыы сатаабытын үрдүнэн, киниэхэ илиитин уумматах, тииһин килэппэтэх аҕыйах буолуо. Н. Заболоцкай
2. көр майгыннаа. Фатима эмээхсин өлбөөрбүт хараҕын быһыччы көрөн, төбөтүн кыҥначчы соҕус туттан, тугу эрэ санаан олорбохтоото. Бу түгэҥҥэ Огдооччуйа эмээхсиҥҥэ майгылаата. И. Гоголев
Биэс уонуттан саҥа тахсан эрэр, орто уҥуохтаах киһи, көрүҥүнэн, сүһүөхтээх уһун муннунан, бэл туруйалыы үүммүт хара бытыгынан — аҕатын мэтириэтин улаханнык майгылыыр эбит. С. Руфов
Болот …… батыйаттан атына диэн уга кылгас буолара үһү, онон нуучча саабылатыгар май гылыыра үһү. Багдарыын Сүлбэ

Еще переводы:

майгыннаа=

майгыннаа= (Якутский → Русский)

см. майгылаа=.

маарыннаа=

маарыннаа= (Якутский → Русский)

походить, быть похожим на кого-что-л.; кини ийэтигэр маарынныыр он похож на мать; ср. майгылаа =.

майгылас

майгылас (Якутский → Якутский)

майгылаа 2 диэнтэн холб. туһ. [Мэндэ:] Днепр, Ангара, Бүлүү үһүөн Аҕыс балыстыылар, ол иһин майгылаһаллар. И. Гоголев
Тус-туспа тыл лары да тэҥнээн көрдөххө, саха икки бүрээт икки тылларыгар бэркэ сөп түбэсиһэр, эриэс майгылаһар тыллар бааллар эбит. «Чолбон»

саҥнаа

саҥнаа (Якутский → Якутский)

I
туохт. Туох эмэ майгылаа, үөрүйэхтэ иит. ☉ Воспитывать у кого-л. какой-л. характер, прививать кому-л. какой-л. нрав
Муҥкук саҥнаабыт Муҥур санаабыт, Кус куттаспыт, Тыс кылгаспыт, Таҥнары тарпыт Татым дьылҕабыт Кыйдаммыта, Кыайтарбыта. Күннүк Уурастыырап
II
көр соҥноо
Натааһа [Сергейи] Ньуускаҕа саҥнаабыт. Н. Габышев

көннөр

көннөр (Якутский → Якутский)

  1. көн диэнтэн дьаһ. туһ. Утуктаабыт курдук төбөтүн төҥкөччү туттан испит эмээхсин көхсүн көннөрөн, мыччырыттыбыт сирэйинэн суон киһи диэки хайыста. Амма Аччыгыйа
    Көйүү кымыһынан Күөмэйбитин көннөрөн, Көхсүбүтүн чөллөрүтэн Күн айыы сиригэр Күргүөмүнэн көрүлүөҕүҥ! С. Васильев
    Үлэ саҕа киһини көннөрөр суох. Н. Заболоцкай
  2. Тахсыбыт сыыһаны, итэҕэһи суох оҥор (сурукка-бичиккэ). ☉ Устранить, исправить ошибки, недостатки (напр., в письменном тексте)
    Оҕолор дьыктааннарын көннөрдүм. Кинигэм корректуратын көрдүм, көннөрдүм. — Этиллиэ суохтаах тыллар эмиэ этиллэн хаалбыттара. Ону көннөрбөккүн. Н. Лугинов
    ♦ Ноһуоратын (моһуоратын) көннөр — таһыйан, кырбаан, кэһэтэн биэр, тутан биэр. ☉ соотв. давать выволочку кому-л. [Сүөкүлэ — кыыһыгар:] Арба мунньах эйигинэ суох сатаммата буолуо? Дьэ, кэпсиэ, туох үтүө дьүүлү арыйдыгыт? Кими талыырга-халыырга ууруу уурдугут? Эйигин баҕас ноһуораҕын көннөрүөм ээ. А. Софронов
    Мин эйигин моһуораҕын көннөрүөм, хара ыты. Н. Неустроев. Санаатын көннөр — ким эмэ санньыйбытын, кыыһырбытын аһар, үчүгэй майгылаа. ☉ Поднять настроение, дух кому-л., подбодрить, утешить кого-л., привести кого-л. в доброе расположение духа
    Межницкэй туох эмэ үтүөнү оҥорон, Захаренконы алы гынан, санаатын көннөрүөн баҕарбыта, оннук түбэлтэ көстөн биэрбэтэҕэ... Н. Якутскай
    [Бааса:] Сибилигин тыаҕа тахсан …… бэлиитикэҕэ даҕаны, олоххо даҕаны саҥа гуманнай быһыыны тэниттэр — ол дьон санаатын көннөрүө, ол дьону эйэ дэмҥэ киллэриэ этэ. Күндэ. Сискин көннөрбөккө үлэлээ — харса суох күүскэ үлэлээ. ☉ Работать не покладая рук, не разгибая спины, неустанно
    [Убайбыт саҥаспынаан] балтым биһиккини атахпытыгар туруораары, …… систэрин көннөрбөккө үлэлээбиттэрин өйдөөтөхпүнэ, мин кинилэр хайдах курдук муҥура суох үтүө санаалаахтарын, киэҥ-холку майгылаахтарын сөҕөбүн уонна үйэм тухары бу ийэ-аҕа буолбут дьоммор махтанабын. НЕ ТАО
    [Оҕолор] омурҕаннарыгар өйүөлэрин — от үөрэтин — сыпсырыйан ылаллара уонна систэрин да көннөрбөккө эмиэ үлэлээбитинэн бараллара. НЕ ТАО. Сиһин көннөрө түһэр — тиэрэ түһэн сытан ылар, сиһин сынньатар. ☉ Прилечь на спину (чтобы дать отдохнуть спине)
    Суох, кини утуйбат, сиһин эрэ көннөрө түһүө. Н. Заболоцкай. Суолгун көннөр — онно-манна тардыллыбакка хоҥун, бар. ☉ Не задерживаясь, не мешкая, трогаться с места, уходить, отправляться
    Утуйа түһэн баран, дьиэтин диэки суолун көннөрөргө быһаарынна. В. Титов
    Манна үбү-аһы, уһун солкуобайы эккирэтэн кэлбит сорох урдустар тулуйбатахтара, кинилэр бэрт кылгастык олоро түһээт, суолларын көннөрбүттэрэ. Я. Козак (тылб.). Сүнньүн көннөр — кэһэт, кэһэтэн иннин ыл, киһи тылын истэр оҥор. ☉ Проучить, наказать кого-л., чтобы сделать его более податливым, послушным (букв. спинной мозг его выпрямить)
    Бэйи, Кэтириис, алыс тиэтэйимэ, Быһаарсар кэм баар буолуо. Биһиги хайаан да кинини сүнньүн көннөрүөхпүт. НС ОК