туохт., поэт. Киэргэй, т у пс а н кө һү н (сэбирдэх көҕөрөрүн, а й ы лҕ а тылларын туһунан). ☉ Стать нарядным, приукраситься (напр., о деревьях)
Сып-сытыы чээлэй күөх мутукча сандаҕыра наҕарбыт. П. Ойуунускай
Талыы ойуурбут наҕарда. Эллэй
Күөх солконон наҕарбыт мастар Күөгэйэ устар ыраас уугар Күөх күлүктэрин көрүннүлэр. М. Тимофеев-Терешкин
ср. калм. ноҕар, халх. ногоро, бур. ногор ‘зеленеть, покрываться зеленью’

туохт. Муҥутаан көҕөр, чээлэй күөх буол. ☉ Покрываться пышной зеленью, цвести буйным цветом
Дойдубут барахсан, көҕөрөн-наҕаран сирин симэҕэ ситэн, тупсан да турар кэмэ эбит. Болот Боотур
Бу кэмҥэ Орто Азия айылҕата көҕөрөн-наҕаран туох баар муҥутуур киэргэлин кэппит. Эрилик Эристиин
Өлүөнэ эбэ хотуну сайын …… саамай көҕөрөн-наҕаран, ситэн силигилээн турдаҕына, аан маҥнай көрбүтүм. В. Протодьяконов

туохт.
1. Быыһа-арда суох бүтүннүү кып-кыһыл буолан көһүн (элбэх кыһыл өҥнөөх тугу эмэ этэргэ). ☉ Выглядеть сплошь ярко-красным, налиться красным цветом полностью (о фруктах, овощах)
Муссерен дьаабылыкалаах саада эбии угуйар курдук кытаран-наҕаран тахсыбыттар. Л. Попов
Талыыканнаах сүбүөкүлэ! Кыһыл саппыкылыы сонуокка Кытаран-наҕаран сыталлар. Н. Некрасов (тылб.)
2. Хамсанан-имсэнэн итииргээн үллэ бус, олус кытар (киһи сирэйин этэргэ). ☉ Раскраснеться, разрумяниться (о лице)
Көрдөххө дьэ кытаран-наҕаран эр бэрдэ. Болот Боотур
[Граф уола] быһа кытарбыт-наҕарбыт, молооруччу уойбут. И. Тургенев (тылб.)