аат. Кыракый ойдом хайа курдук үрдүк сир, сир туруору лөглөйө үүнэн тахсыбыта. ☉ Возвышенность небольшой окружности, нередко с крутыми склонами, холм
Отчуттар …… алаас ортотугар өрө үллэн турар булгунньах тэллэҕэр тиийэ хайа тэлэн унаарыттылар. А. Бэрияк
Үс дьиппиэһиннээх, Улуу булгунньах саҕа Умса холоруктуу олорор Отут уораҕайдаах Тимир килиэ дьиэ Дьэбидис гына түстэ. П. Ойуунускай
[Күөрэгэй] били ураһалар диэбитэ халтаҥ буор булгунньахтар эбит. Т. Сметанин

1. аат. Сыһыы, хочо тыаҕа хоннохтоон тахсыбыт уһуга, муннуга (үксүгэр бэйэтэ уулаах, көлүйэлээх буолар). ☉ Часть, уголок поляны, долины (нередко с водоемом), вклинивающийся в лес, в гору
   Тыымпы күөлүм арҕаа булуҥун түгэҕэр, ыччат мастаах тумулун уһугар киэһэ аайы бур-бур буруо унаарыйан көстөр буоллаҕа. Н. Неустроев
   Киһибэр Эбэм хас булуҥун, тумулун, тоҕойун ааттарын төһөнү билэрбин этэн истим. «Кыым»
   Иһиччит уот иннигэр турар хааһытын санаабытынан олорон булуҥун өҥөс гынна. Болот Боотур
2. даҕ. суолт. Булуҥ курдук быһыылаах эбэтэр булуҥу тулалыыр. ☉ Составляющий собой уголок поляны, долины и вдавшийся в лес или окружающий такой уголок (напр., о лесе). Булуҥ сир. Булуҥ тыа
   □ Өрүскэ булуҥ сиргэ өр күөгүлээтэ
   Үс күстэҕи син хаптарда. Н. Габышев
   тюрк. булуҥ

I
1. аат.
1. Соһуччу, күүтүллүбэтэх туох эрэ уратылаах суол. ☉ Причуда, странность, необычность
Туох дьиибэ буолтун билэ, Тойон саарга бэйэтэ Чуо тиийэр толкуйданна. Эллэй
Харалаампый доҕорбут «Дьикти лаампатын» дьиибэтин көрдөрөөрү, Халлаан уотун харахтыы охсоору, Хараҥа хотоҥҥо харбыалаһан тахсан Хаччыгынайан эрэр эбит. Күн Дьирибинэ
Манна бэйэлэрин истэригэр ытыктанар дьонноохтор, сорохтор атынынан, ол-бу дьиибэлэринэн, бэл куһаҕаннарынан да аатырбыттар. Н. Габышев
2. Тэбэнэт, баракаас (мэниктээн, тиэхэлэнэн туох эмэ куһаҕаны оҥоруу). ☉ Проказа, шалость (нередко предосудительная)
Булгу муодатынан, Дьикти дьиибэтинэн Наахара нэһилиэгэ Додор кулубаттан ордук Муодалаах киһи баар буолуо диэн, Булан көрбөтөҕүм. Саха фольк. [Петя] мэнигинэн, бөппүрүөгүнэн, дьиибэтинэн аатырбыта ыраатта. М. Доҕордуурап
2. даҕ. суолт. Киһи өйдөөбөт, туох эрэ уратылаах, дьиктилээх. ☉ Странный, диковинный, причудливый
Ол дьиибэ киһи этэ: собону сиэбэт. Амма Аччыгыйа
Уол аата Эльпидифор диэн - киһи истибэтэх дьиибэ аата. Суорун Омоллоон
Барытын аҥаардастыы кириитикэлии, сирэ сылдьааччы, Көнөнү да токурутан өйдүүр дьикти кэмэлдьилээх дьиибэ киһи. Н. Лугинов
русск. диво
II
сыһыан т. Муодарҕааһыны, дьиктиргээһини көрдөрөр. ☉ Выражает удивление, изумление
Дьиибэ, атыттар дьоҥҥо наар үчүгэй өрүттэринэн көстө сатыыр эбит буоллахтарына, Миша төттөрүтүн үчүгэйин кистээн, оттон куһаҕанынан киэн туттардыы өрө туттар. Н. Лугинов
Дьиибэ ээ, мин урут да, сэрии буолбут сиригэр түүн соҕотоҕун сылдьан, бэйэм дьонум өлүгүн көрдөхпүнэ куттана көрөрүм, куйахам күүрэрэ. Т. Сметанин