I
аат.
1. Монарх былааһа салайар дойдуларыгар үрдүк сололоох киһи, ыраахтааҕы аата. ☉ Один из титулов монарха, а также лицо, имеющее этот титул, король, правитель
Хоруоллар тапталлаах арыгылара Бииктэр куолайын уотунан салаабытынан киирдэ. Л. Попов
Хоруол былааһын нэһилиэстибэ быһыытынан оҕолоругар туттарар кыахтааҕа. АЕВ ОҮИ
2. көсп. Ханнык эмэ үлэҕэ, дьарыкка уһулуччу ситиһиилэммит киһи. ☉ Человек, обладающий большим капиталом, король, магнат
Япония «нефтяной хоруолларын» уон алта чааһынай дьиэлэригэр дьэҥдьиир оҥоһулунна. «Кыым»
3. саахымат. Саамай сүрүн харыстанар фигура. ☉ Шахматная фигура, король
Хоруол ферзь курдук хаамар гынан баран, хайа баҕарар диэки биир эрэ хонууга хаамар. ПВН СБК
4. хаарты. Хоруоналаах эр киһи ойуулаах хаарты хараҕа. ☉ Игральная карта с изображением мужчины в короне, король. Хоруолунан түһэн сиэ
II
аат., түөлбэ. Маһынан, дулҕанан, эрэһиинэнэн оҥоһуллубут улахан кус мончууга, атын мончууктартан саамай көстүүлээхтэрэ (үксүгэр андыны бултуурга тут-лар). ☉ Самое крупное чучело на уток (обычно на турпанов, ставят на самом видном месте озера или реки), манок
Дулҕа быыһыгар хоруол атаҕын төрдө турарын көрбөккөбүн, хаарыан укпун тосту тардан кэбистим. И. Сосин
Үөр тураахтар, анды хоруолун олордубуттуу, ыраахтан лөһүгүрээн харааран көстөллөр. «ХС»
Хаас хоруола. ЯРС