самнар диэнтэн төхт
көрүҥ. [Тустуук] Алиев атахха түһэр ньымалааҕа. Ити албаһынан аан дойду ааттаахтарын самнартаабыта. ВВ ТТ

тоһоҕо 1 диэн курдук
Бадаар диэн кура халҕан саҕа улахан хаптаҕай маска оскуома батарыта (курдарыта) саайыллыбыта ааттанар. ПАК ЭТ
Ваня хаптаһынтан оскуоманы туурар. ЕНВ СТ
Оскуомабыт суох, ону эмиэ ити оҥостубута буолабыт. «Кыым»
Оннооҕор оскуоманы саайан киллэрии ньымалаах. «Кыым»

даҕ.
1. Сатабыллаах, булугас өйдөөх, киитэрэй; уустук балаһыанньаттан тахсарга араас ньыманы туттар. ☉ Хитрый, ловкий, находчивый; знающий различные пути, приемы для преодоления трудностей
Кубулҕаттаах бөҕө хоппотун диэн, Албастаах бөҕө алдьаппатын диэн, Халыҥ таас хайанан хаттыктаммыт. С. Зверев
Кини [өстөөх] акаары буолбатах, саһыллааҕар киитэрэй, аҕыс араас ааһар албастаах, тоҕус араас куотар кубулҕаттаах. ССС
Аныгы албастаах сахха Айхалы тардыһан, Алҕаатаҕым буоллун Саҥа ыччаппын. Өксөкүлээх Өлөксөй
2. спорт. Тустууга быраҕыы араас ньыматын билэр, элбэх ньымалаах. ☉ Знающий и применяющий разные приемы борьбы
Үчүгэй быраҕыылаах, албастаах тустааччылары үөрэ-көтө бүөбэйдииллэр, эҕэрдэлииллэр, хайгыыллар. И. Данилов

туохт.
1. Тугу эмэ оҥорорго ураты ньыманы тутун, туох эмэ табыллар сүбэтин бул. ☉ Применять особое средство, прием, метод для выполнения какого-л. (обычно сложного) дела
Ньылаарыс икки тыһыынча кэриҥэ бэрдээҥки ботуруонун ииппититтэн биир да буулдьата киһини өлөрбөтөх. Уус албастаан, буораҕар күлү булкуйан биэрбит. Эрчимэн
2. Уодаһыннаахтык, киитэрэйдик угаайылаа, үктэт, албыннаа. ☉ Хитрить, прибегать к уловкам, ухищрениям
Маппыайабыс бу курдук тута үбүнэн албастаан бэрт үгүс киһини бэйэтигэр тарта. Бэс Дьарааһын
Торҕон кыыл, киһи өр Тоҥуу хаарга мөхсөллөр. Кистээн, бөрө албастыыр, Киһи кэннин былдьыы сатыыр. Ф. Софронов
3. спорт. Тустууга утарылаһааччыны кыайар анал ньыманы тутун; анал ньымалаах, сатабыллаах буол. ☉ Применять особый прием в борьбе; иметь излюбленный (коронный) прием в борьбе
Бу хагдаҥ от хаата, күөх от көппөппүтэ бу албастаан, түҥнэри халбарыйан баран хааллаҕын абаккатын көрөллөркөрбөттөр оҕолоор! Ньургун Боотур

I
туохт. Кими эмэ кэтэр таҥаһынан хааччый, таҥыннар. ☉ Снабжать кого-л. одеждой, одевать. Бу уолу ичигэс таҥастаан ыыт
II
туохт.
1. Тугу эмэ туохха эмэ туһанарга бэлэмнээн оҥор (хол., маһы суоран, тириини имитэн, сири хорутан, боромньулаан). ☉ Подвергнуть выделке, отделке, сделать готовым для чего-л., обработать (напр., обтёсывать бревно, выделывать шкурку, возделывать землю)
Былтаҕар Былатыан туос таҥастыыр, ойоҕо Маҥан Малаанньыйа уот иннигэр тымтай тигэр. Күндэ
Былыргы сахалар сүөһү тириитин сүөһү хааныгар буһаран таҥастыыр оһуобай, дьикти ньымалаах эбиттэр. В. Протодьяконов
Мастарын тыаттан киллэрээт, ахсаанынан бэлэмнээн, таҥастаан суоран кэбиспит буолан, тута акылааттарын түһэрдилэр. «ХС»
Сирбитин үчүгэйдик таҥастыыр, уоҕурдар буолуохпутуттан ыла үүнүү лаппа үрдээтэ. «Кыым»
2. харыс т. Кыыл, сүөһү тириитин сүл. ☉ Снимать, сдирать шкуру. Ити кыылгын киэһээ бэйэҥ таҥастаар
◊ Тириини таҥастыыр бэссэстибэ хим. — тириини таҥастыырга аналлаах оһуобай суурадаһыны оҥорорго туттуллар бэссэстибэ. ☉ Вещество для дубления кожи, дубитель
Тириини таҥастыыр бэссэстибэлэр үүнээйилэргэ бэрт киэҥник тарҕаммыттар уонна бырамыысыланнаска сүөһү тириититтэн саппыйааны, хоруому, шеврону оҥорон ыларга туттуллаллар. «ХС»
Хаппырыас отонугар аҕыйах соҕус арыы, саахар, органическай кислоталар, тириини таҥастыыр бэссэстибэ бааллар. МАА ССКОЭҮү