1) покрышка, покрытие; 2) обивка; обшивка; аан бүрүөтэ обивка двери.

аат. Эркин үрүт бүрүөһүнэ (хол., чараас хаптаһын). ☉ Обшивка, обивка чего-л. чем-л. (напр., тонкими дощечками)
Хаптаһын эпсиэйдээх, мас таҥара дьиэтэ хоройон, үрдээн турара. Н. Якутскай
Дьиэ тас эпсиэйэ хоппойон эрэрэ көрүҥүн буортулуур. С. Руфов
Умнубат оскуолам, Икки хос муостаҥ, өһүөҥ бастарын, Эпсиэйгин ыпсарбыттара үһү Мастаах [сир аата] ааттаах маһын уустара. М. Тимофеев
русск. обшивка

I
аат. Туох эмэ тас өттүнэн, үрдүнэн сабыыта, хаҕа, хаата. ☉ Обивка, обшивка
«Бу», — диэтэ Юра, боолдьох бүрүөһүнэ тырҕаллыбыт, тутааҕын оннугар суон бирээдьинэ өтүү төрдүгэһэ сааллыбыт ааныгар кэлэн. Софр. Данилов
Орлосов дьиэҕэ тиийэн, бүрүөһүнэ суох халкыҥнас ааны аһан, дьиэҕэ киирдэ. Н. Габышев
Дьиҥнээх сир иэнэ кини (Гренландия) муус бүрүөһүнүн иэнинээҕэр балачча кыра. КВА МГ
II
аат. Суорат оҥорорго туттуллар аһытыы (аһыйбыт сүөгэй, сүүмэх о. д. а.). ☉ Закваска (молочная) для приготовления суората (см. суорат). Суорат бүрүөһүнэ. Сүөгэй бүрүөһүн. Сүүмэх бүрүөһүн

аат.
1. Тугу эмэ сабар, бүрүйэр хаппах, сабыы. ☉ Покрышка, покрытие чего-л.
Люда Светлова саҥа доҕорунуун олорон иһэр суппуун суорҕан бүрүөлээх сыарҕаларын үрдүнэн буулдьа быыстала суох ыйылаабыта. С. Никифоров
Чүөчээски уһуктубута титирээн бабыгырыы сытар эбит. Аҥар өттө бүтүннүү баттахтыын, таҥастыын — муус бүрүө буола хаһыҥҥа кырыаран хаалбыт. Суорун Омоллоон. Охтубут мас уоһунна, Көтөҕө бүрүө көлбөрүйдэ, Күөх унаар тунаарыйда. Саха фольк.
2. Туохха эмэ (хол., ааҥҥа) тириини, халыҥ таҥаһы, боолдьоҕу о. д. а. тиирэн, тоһоҕолоон бүрүйүү. ☉ Обивка, обшивка (двери, мебели)
Ыкса киэһэ халҕан тоҥ бүрүөтэ таһыттан тардыгырыы түһэр [ыт тарбаан]. Амма Аччыгыйа
Аан эргэрэн тырыттыбыт бүрүөтүн харбыаласта, туох эрэ чорбойон турарыттан ылла уонна ааны эрчимнээхтик аһа баттаата. Н. Заболоцкай
3. анат. Тыыннаах харамай эбэтэр үүнээйи ханнык эмэ чааһын чараас хаҕа, сарыыта. ☉ Плева, плевра, оболочка. Салыҥнаах бүрүө. Тыҥа бүрүөтэ. Харах дьэҥкир бүрүөтэ
□ 1949 сыл атырдьах ыйын икки күнүгэр Филатов харах дьэҥкир бүрүөтүн олордууга тыһыынчатын толорор операциятын оҥорбута. «Кыым»
Луук сүмэһиннээх араҥатыттан чараас дьэҥкир суба бүрүөтүн бэркэ сэрэнэн хастаан ыламмыт, көрүөҕүҥ. КВА Б
Афоня өлбөөдүйбүт, бүрүөтэ сабыллыбыт курдук, харахтара тугу да эппэт, кими да билбэт этилэрэ. Ю. Чернов (тылб.)