аат. Ойуур иһигэр сытар, от-мас охтубут чычаас уулаах сир. ☉ Неглубокий водоем в глухом лесу
[Өлүөнэ эбэм] Дириҥ күөлэ — Чүөмпэ, күөрэ, Ойоос сирэ — Оттоох иирэ, Улуу эбэм Уунар кэҥиир, …… Үөһүн эбэн Сүнньэ элбиир. Л. Попов
Онно ыраах күөл муораларга Курустаал куораттары тутта, Хочоҕо, тыаҕа, күөрэлэргэ Көмүс кыраһалары ыста. Таллан Бүрэ
Муҥур үөппүт анныгар Муустаах күөрэ үрдүгэр Моонньоҕоннуур кустарбыт Мустан ахан эрэллэр. «ХС»

аат. Саас хаар ууллан бүппүтүн кэннэ халлаан тыалыран, хаарданан иккистээн уһуннук тымныйыыта. ☉ Холодная весна с ветром и снегом, после того как сойдёт зимний снег, весенние холода
Быһаас хапсыыр саҕана, ойоос отуттан биир сыарҕаны бэрсэн абыраан турар ээ. В. Миронов
Холкуос ынаҕа да, сылгыта да сааскы хапсыыры, хаһаас оту сиэн, охтубакка мүччү түспүтэ. П. Аввакумов
Мин кинилэри [сылгылары] улахан тымныыга, сааскы хапсыырга эрэ аһата түһэбин. «ХС»
♦ Хара хапсыыр — саас хаар ууллубутун кэннэ халлаан кураанах тыалынан тымныйан, хонуу уһуннук көҕөрбөккө сытыыта. ☉ Продолжительные весенние холода и засуха, вследствие чего земля долго остаётся чёрной, не покрывается зеленью
Сороҕор хаар эрдэ баран ыам ыйыгар хара хапсыыр куттала суоһуур. Сылгыһыттар дьэ ити моһоллору толору бэлэмнээх көрсүөхтээхтэр. ААИ ОБСЫҮ
Модуттар үчүгэй ситиһиилэрин биир суол кистэлэҥэ диэн сүөһүнү хара хапсыыр бириэмэтигэр ырыарбатахтара буолар. АГГ СУоД
Хара хапсыыр саҕана үөскээбит итинник ыарахан балаһыанньа үүт ыамыгар улаханнык оҕуста. «Кыым»
ср. монг. хабса ‘дуть (о сухом холодном ветре)’