I
туохт.
1. Сахалары кытта олорон, сахалыы тыллан, сахалыы майгылан, олохтон. ☉ В результате совместного проживания с якутами перенимать у них язык, обычаи, образ жизни, объякучиваться. Сахатыйбыт нуучча. Сахатыйбыт татаар
□ Оччолорго онно аҕыйах эбэҥкилэр баар эбиттэр, олортон сорохторо хайыы сах сахатыйан хаалбыттар. «ХС»
2. Булкуһан саха боруодатыгар чугаһыы уларый. ☉ В результате скрещивания приобретать признаки якутской породы
Михайловтар сахатыйбыт симментальскай боруода ынахтартан өлгөм үүтү ыларга бастыҥ уопут тугу этэрин олохтооһуҥҥа туруммуттара. «ХС»
3. Сахалыы этиллэр буола уларый (атын тылтан киирэр тыллар, дорҕооннор тустарынан). ☉ Подчиняясь фонетическим и грамматическим законам якутского языка, изменять свою фонетическую оболочку (о звуках и словах, заимствованных из др. языков)
Сорох тыл атын омук тыла буолара соччо биллибэт да курдук сахатыйар. М. Чооруоһап
Эбэҥкиттэн (эбээнтэн) киирии тыллар кэлин — кэнникинэн миһиллэн сахатыйар кыахтаахтар. ВМС СДО
II
туохт., харыс т. Ыарыһахха ойуунна кыырдар, ойууннат. ☉ Пригласить к больному шамана и устроить его камлание
Аны түүн сынньанан, түһээн-биттэнэн баран, сарсын киэһэ сахатыйан көрөө инибит. Күннүк Уурастыырап