платить; вознаграждать; үбүнэн манньалаа = платить деньгами; этинэн манньалаа = оплатить мясом.

I
туохт.
1. Кими эмэ албаһыран угаайыгар киллэр, киниэхэ угаайыта оҥор. ☉ Хитростью, обманом завлечь кого-л. в невыгодную для него ситуацию, заманить в ловушку
[Бомуоһунньук:] Кырдьаҕас ити биир ынах баһынан мэҥиэлээн, оҕуруктаан, угаайылаан хамначчыт булунна дии! П. Ойуунускай
Угаайылаан, Сургууһут атын төннөрөн баран, нөҥүө түүнүгэр кини өтөҕүн саҕатыгар кэтэһэн, ким Сургууһуту кытта кэлсибитин быһаарсыбыта. Д. Таас
Кини оннооҕор өстөөҕү өстөөххө утарыта киллэртээн ытыалаһыннарары, кинилэри араастаан угаайылыыры сатыыра. ССХУо
2. булт. Бултуурга араас албаһы, ньыманы туһан. ☉ Применять различные ловушки, ставить приманки. Былыргылар көтөрү, кыылы угаайылаан бултууллара, араас албаһы тутталлара
3. спорт. Мындыр хаамыылары, албаһы оҥор (хол., саахымат, дуобат оонньуутугар, тустууга). ☉ Провести хитроумную комбинацию (напр., в борьбе, шахматах, шашках)
Ласкер утарылаһааччы хоруолун «маат биэрэр» сиргэ угаайылаан киллэрэр. КА СОоО II – III. Тастан дьайыыттан аҥаардас тустуунан эрэ угаайылаан ылбаккын. ВВ ТТ
II
туохт.
1. Сыарҕаҕа угаайы буолар оту тиэй. ☉ Уложить на сани воз сена
Сүүрбэтиттэн эрэ тахсыбыт уолан киһи маҥаас оҕуһунан сыарҕаҕа бугуллары угаайылаан сыннаран аҕалан от кэбиһиллэр сиригэр сүөкүү турара. «ХС»
2. эргэр. Өлбүгэтин төлөбүрүн кыайан төлөөбөт киһиттэн сирин ылан, төлөөн туһан. ☉ Пользоваться сверхнаделом земли, перешедшим от бедняка, который не сумел оплатить подати или повинности
Уктуу баай, кыанар ыал өлбүгэтин кыайан төлөөбөт киһиттэн өлбүгэтин төлөөн, дойдутун угаайылаан (уктан) сиир. Саха сэһ. II