прил. 1. кэминэн эргиллэр, кэмтэн-кэмигэр буолар, хатылана турар; периодические приступы болезни ыарыы кэмтэн-кэмигэр буолар тииһиктэрэ; 2. (о печатных произведениях) периодическай; периодическая печать периодическай бэчээт (хапыат, сурунаал); # периодическая дробь мат. периодическай дробь; периодическая система элементов хим. элеменнэр периодическай системалара.

металлар (Менделеев периодическай табылыыссатын элэмиэннэрин туспа бөлөҕө. М. ньыҕаллымтыалар, имиллэҥнэстэр, итиини уонна электричество-ны аһарымтыапар.)

аат.
1. Кинигэ курдук тахсар периодическай бэчээт. ☉ Журнал (периодическое издание)
Мойот Дьокуускайга тахсар литературнай сурунааллар саҥа нүөмэрдэрин көрүтэлии олордо. Т. Сметанин
Биһиэхэ «Хотугу сулус» маҥнай альманах быһыытынан сылдьан, 1956 сылтан сурунаал буолбута. ВГМ НСПТ
[Тима] оскуолаҕа истиэнэ хаһыатын, илии сурунаалын ойуулуура, киэргэтэрэ. КНЗ ТС
2. Кэмиттэн кэмигэр тугу эмэ суруйар, бэлиэтиир кинигэ эбэтэр тэтэрээт. ☉ Журнал для регулярных или периодических записей и отметок. Кылаас сурунаала
□ Валентина Николаевна сурунаалыгар тугу эрэ суруйан баран сабан лап гыннарда. П. Аввакумов
Дьыалаҥ иирбит аҕабыыт дьыалатын курдук, туох даҕаны дьыалата тигиллибэт, киирэр-тахсар сурунаалгар суруллубат. Күндэ

аат.
1. Туохха эмэ (хол., кумааҕыга, сургууска о. д. а.) баттаан суол хаалларарга аналлаах дьөлүтэ быһан оҥоһуллубут анал бэлиэлэрдээх эбэтэр суруктаах төгүрүк эбэтэр муннуктардаах тэрил, уонна ол тэрил баттаммыт суола. ☉ Печать (штамп)
Билигин ыраахтааҕы суох буолбут буоллаҕына, аны кини бэчээтэ да күүһэ суох. Амма Аччыгыйа
Суруксут бүтэн, боротокуолугар илии баттатаары, Силтэһинтэн бэчээтин көрдүүр. Күннүк Уурастыырап
Октябрина ыскылааттары бэйэтэ илдьэ сылдьар үс сүүс биир нүөмэрдээх тимир төгүрүк бэчээтинэн сургуустаан баран, бэчээттэтэлээн кэбистэ. М. Попов
Былыр Силип оҕонньор нэһилиэк кинээһэ буола сылдьан кыраамыка суругар илии баттыырын оннугар түөрт муннуктаах бэчээтин туоһунан тордоон баран балтаччы баттаан кэбиһэрэ үһү. А. Бэрияк
2. Бэчээттэммит айымньы; хаһыат, сурунаал. ☉ Печать (напечатанные произведения; периодические издания (газеты, журналы и т. п.))
Биэс-алта ходьоччу хоһоону Бэчээккэ быктараат, Бэйэҕин бэлиэтээн, Мин аҕай дэнимэ. Күннүк Уурастыырап
Периодическай бэчээккэ сурутууну кыбартаалларынан тэрээһиннээхтик ыытарга. ПДН ТБКЭ
3. Туох эмэ буолбутун, дьайбытын бэлиэтэ, суола-ииһэ. ☉ Печать (знак, отпечаток чего-л.)
Кини [аҕабыыт] ааттаабыт аата сороххо, хаатырга бэчээтин курдук, саатар — кыбыстар мэҥ буолан сыстара, сороххо кыһыылаах ымынах курдук, сааһын тухары сүрэҕин уонна суобаһын тарбатар дьаат өлүү буолан иҥэрэ. П. Ойуунускай
Кинилэр [бандьыыттар] кирдээх тиҥилэхтэрэ үрүҥ хаар үрдүгэр хара мэҥ бэчээти ууран, сыһыллан-соһуллан барбыт суоллара субу сытара. А. Сыромятникова
Күн-дьыл уурбут бэчээтин Эн ыраас дьүһүҥҥэр, Арай хара хараххар Эдэр сааһыҥ көһүннэ. И. Чаҕылҕан
4. Собуот, фабрика оҥоһуктарыгар сыһыарыллар суруктаах, ойуулаах дьаралык. ☉ Этикетка, ярлык, наклеиваемые на произведенные заводами, фабриками товары
[Мундербек] уон бытыылканы биир харчыга сууйан, бэчээтин сыһыаран биэрэрэ үһү. Эрилик Эристиин
Ити — чэй бэчээтэ кумааҕылар. Күннүк Уурастыырап
◊ Бэчээт уоргана — периодическай бэчээт (хаһыат, сурунаал). ☉ Периодическая печать
Бэчээт уорганнарын аптарытыата киэҥник тарҕаныыта сүрүннээн кини суруйбут кириитикэтэ олоххо хайдах киирэриттэн, миэстэтигэр кини сигналларыгар ханнык дьаһал ылылларыттан улахан тутулуктаах. КТУоС