даҕ.
1. Сибэккилэнэр, сибэккилэммит. ☉ Имеющий цветы, цветочный. Сибэккилээх үүнээйилэр
□ Алаас сирдэр, араас сибэккилээх отторо тахсан, сиидэс ойуутун курдук дьэргэйэн көстөр буолбуттар. Эрилик Эристиин
Саҥардыы охсуллан эрэр ходуһа суораты ыспыт курдук бырдьыгынас сибэккилээх күөх ото хараҥа түүн халыҥ суорҕанынан сабыллан эрэр. Күндэ
2. Сибэкки ойуулаах. ☉ Украшенный цветами
Санаарҕаабыт чуумпу харахтара, сибэккилээх сиидэс былаата напнарыннык, олус сэрэхтээхтик имэрийэр курдуктара. И. Гоголев
◊ Кириэстии сибэккилээхтэр бот. — кириэстии сибэккилээх үүнээйилэр кэргэннэрин аата. ☉ Семейство крестоцветных растений, крестоцветные. Початок сибэккилээхтэр бот. — початок быһыылаах сибэккилээх үүнээйилэр кэргэннэрин аата. ☉ Семейство початкоцветных растений, початкоцветные. Туруупкалыы сибэккилээхтэр бот. — туруупка быһыылаах сибэккилээх үүнээйилэр кэргэннэрин аата. ☉ Семейство сложноцветных растений, сложноцветные.

I
туохт. Ситэн туораахтаах буол, туораах үүнэн таҕыс (үүнээйи туһунан этэргэ). ☉ Созревать, наливаться (о семенах, зёрнах некоторых растений)
Томороон лоҥкур тиит Тоҥон-хатан турбут бэйэтэ Толуу лоһуор туораахтанна. Өксөкүлээх Өлөксөй
Початок толору туораахтанарын ситиһэр сыалтан искусственнай эбии куоппаһырдыыны тутталлар. ХКА
Кукурузаны сиилэскэ угарга …… хайыы-үйэ үчүгэйдик туораахтаммытын кэннэ, ол гынан баран туорааҕа сымнаҕас эрдэҕинэ хомуйуллуохтаах. САС
II
дьүһ. туохт. Элбэх буолан, туораах бытарыйарын курдук, оонньуу-көрүлүү, сүүрэкэлии сырыт (кыра оҕолор, көтөрдөр, кыыллар тустарынан). ☉ Резвиться, бегать, словно рассыпавшиеся зёрна (о маленьких детях, птичках, зверёнышах)
Саас буолан, оттоох күрүөҕэ чооруос бөҕө туораахтанна. Э. Соколов
Түөрт эмдэйсэмдэй, бытырыыс курдук оҕолор тула өттүбэр туораахтаналлар. Күрүлгэн. Анал миэстэҕэ отут биир сибиинньэ оҕолоро туораахтана оонньууллар. «Саха с.»