I
туохт. Ситэн туораахтаах буол, туораах үүнэн таҕыс (үүнээйи туһунан этэргэ). ☉ Созревать, наливаться (о семенах, зёрнах некоторых растений)
Томороон лоҥкур тиит Тоҥон-хатан турбут бэйэтэ Толуу лоһуор туораахтанна. Өксөкүлээх Өлөксөй
Початок толору туораахтанарын ситиһэр сыалтан искусственнай эбии куоппаһырдыыны тутталлар. ХКА
Кукурузаны сиилэскэ угарга …… хайыы-үйэ үчүгэйдик туораахтаммытын кэннэ, ол гынан баран туорааҕа сымнаҕас эрдэҕинэ хомуйуллуохтаах. САС
II
дьүһ. туохт. Элбэх буолан, туораах бытарыйарын курдук, оонньуу-көрүлүү, сүүрэкэлии сырыт (кыра оҕолор, көтөрдөр, кыыллар тустарынан). ☉ Резвиться, бегать, словно рассыпавшиеся зёрна (о маленьких детях, птичках, зверёнышах)
Саас буолан, оттоох күрүөҕэ чооруос бөҕө туораахтанна. Э. Соколов
Түөрт эмдэйсэмдэй, бытырыыс курдук оҕолор тула өттүбэр туораахтаналлар. Күрүлгэн. Анал миэстэҕэ отут биир сибиинньэ оҕолоро туораахтана оонньууллар. «Саха с.»
Якутский → Якутский
туораахтан
туораах
аат.
1. Бурдук, сорох үүнээйи сиэмэтэ, аһа. ☉ Плод, семя хлебных злаков, некоторых других растений, зерно
Бу дөлүһүөн туорааҕа битэмиинэ бэрт буолар үһү. Суорун Омоллоон
Моонньоҕон туораахтара олус бөдөҥнөр уонна хап-харалар. Далан
Буспут бурдук туорааҕын илдьи ыстаан амтаһыйан көрдөххө сиикэй тиэстэ амтана кэлэр. С. Маисов
2. Мутукчалаах мастар (хол., тиит, бэс, харыйа) төгүрүк эбэтэр ньолбуһах быһыылаах сиэмэлэрэ. ☉ Шишка (напр., лиственничная, сосновая, еловая)
Үрдүк тиит чыпчаалыгар тахсан мутукча туорааҕын саҕа буолан олорон, наһаа нарыннык ыллаан дьырылатар чыычаах баар. Амма Аччыгыйа
Бэл көрсүө, намыын харыйа Туорааҕынан тамныыр. Баал Хабырыыс
Кини быйыл хаһыҥ хойутаан түспүтүн, онон мас туорааҕа үлүйбэтэҕин, хата, төттөрүтүн сыаламмытын үчүгэйдик билэр. С. Никифоров
3. Бытархай, биир тэҥ көстүүлээх маллартан биирдэстэрэ. ☉ Один из ряда небольших однородных предметов (напр., бусинка)
Сүөдэр суот икки туорааҕын тардан лас гыннарда. Амма Аччыгыйа
Оҕуруо туорааҕынан Оноотун ойуулуура. С. Васильев
«Дьиҥнээх эргиэн үлэтэ» диэнинэн Атыыһыт Арамаан миэтэрэлээх маһы, ыйааһын туорааҕын туппутунан прилавок кэтэҕэр турары ааттыыр. У. Нуолур
◊ Кыһыҥҥы туораахтаах култууралар көр кыһыҥҥы. Бааһынай хаһаайыстыба сүрүн үлэтинэн кыһыҥҥы туораахтаах култууралары үүннэрии буолар
ср. тув. тоорук ‘кедровая шишка; орех’, алт. тоорчык ‘шишка (еловая и пихтовая)’, п.-монг. тоҕурчах ‘шишка хвойного дерева’, др.-тюрк. тоҕрах ‘ореховое дерево’
Еще переводы: