аат., кэпс. Киһини дьээбэлээһин, күлүү-оонньуу аҥаардаах элэктээһин. ☉ Подшучивание, подтрунивание над кем-л., насмешка
Мин Мэхээчэ хаадьытыттан хал буолан, бэрики кыһаммаппын, кистээн Аайтаны көрөн аһарабын. Далан
Арай кини хаадьыга тиллэн, харахтыын үөрэн мичээрэн кэлээччи, онно да улаханнык саҥа аллайан күлбэт. М. Доҕордуурап
Баһычча Баһылай дьиэтин иһигэр элбэх саҥалаах, көрүдьүөс кэпсээни, кыралаан ыстырыыһы, хаадьыны таптыыр, сэргэх ис киирбэх киһи. «ХС»
♦ Хаадьы буолла кэпс. — туохтан эмэ сылтаан тугу да гынара суох буолан хаал, оҥоруохтааххын оҥорума. ☉ Вынужденно бездельничать, простаивать, задерживаться
Массыына кэлбэккэ хаадьы бөҕө буолла. ЯРС
Хара ыт хаадьыта көр ыт II. Кинилэр хара ыт хаадьыта оҥостор киһилэрэ буолбатах. «ХС»
◊ Хаадьы оҥоһун — күлэн-оонньоон кими эмэ дьээбэлээ, хаадьылаа; кими эмэ күлүү-гын, ыыстаа. ☉ Превращать кого-что-л. в объект для насмешек, шуток
Хас халлаан үөнэ Хаадьы оҥостон ааһар Оҕо киһилэрэ Мин эбиппин ээ?! П. Ойуунускай
Оҕо эрдэхпиттэн миигин Оҕолуун, улаханныын Хаадьы оҥостон тахсаллара, «Халлаан уола» дииллэрэ. Урсун
[Марина:] Баҕар, акаары кыыһы хаадьы оҥоһуннахха хайдах буолар эбит диэтэҕэ диэммин, бэрт эрэйгэ сырыттым. «Чолбон»
ср. монг. хач ‘курьёз’