даҕ. Үрдүк, көнө уҥуохтаах. ☉ Стройный, статный, высокий
Билигин Тогойкин райкомол сэкирэтээрэ буоллаҕа, уһун дьороҕор уҥуохтаах, үрүҥ солко куопталаах Лизаны кытта кимтэн да толлубакка, симиттибэккэ, сиэттиһэн сырыттаҕа. Амма Аччыгыйа
Дараҕар сарыннаах, дьороҕор сотолоох, үрдүк уҥуохтаах, нуучча саха икки ардынан сырдык сэбэрэлээх эр бэрдэ [Тороев] Глафиралыын тута уһуннук сэһэргэспитинэн, күлсүбүтүнэн барбыта. Л. Попов
«Тойонум баҕайы акаарытын!» - Өлөксөөс Ааныс саары этэрбэстээх дьороҕор сототун охсуолаата. А. Сыромятникова

аат.
1. Үлэтин сүнньүнэн бас бэринэр тэрилтэлэр уонна дьоннор үлэлэрин бэрэбиэркэлиир, үлэни тэрийии туһунан ыйан-сүбэлээн биэрэр киһи. ☉ Инструктор (должностное лицо)
Райкомол инструктора, сельхозинспекция агронома кэлбиттэр. В. Яковлев
Аармыйаттан кэлэрин кытары инструкторынан ылбыттара. С. Никифоров
Нэһилиэк аайы эмиэ эппиэттээх инструктордар тарҕаммыттара. Бэс Дьарааһын
2. Анал идэҕэ, дьоҕурга үөрэтэр киһи. ☉ Инструктор (лицо, обучающее какой-л. специальности, мастерству)
Эдэр натуралистар оҕуруот аһыгар, садоводствоҕа, сибэккини үүннэриигэ, хонуу үлэтигэр, сүөһү иитиитигэр инструктор аатын ылаллар. И. Данилов
Инструктор, настаабынньык ыанньыксыттар анаммыттара. «Кыым»
Авиация гвардия полковнига Федоров Иван Афанасьевич летнай училищеҕа иструкторынан үлэлии сылдьыбыта. «Кыым»

аат.
1. Ким эмэ тугу эмэ толоруохтааҕын киһи бэйэтин эппиэтинэһигэр ылыныыта; ким эмэ туһугар тус бэйэм эппиэттиибин диэн тыл биэрии. ☉ Ответственность, обязательство за кого-л.; поручительство, ручательство
Мэктиэбин биэрэбин.  Табаарыс Дойдуунускай, оһуобай дьаһал кэлиэр диэри Никулин Сэргэчээни эн мэктиэҕэр хаалларабын. Болот Боотур
Миигин туора киһи мэктиэтинэн босхолообуттара. СБТТ
2. Кими, тугу эмэ сөбүлээн, биһирээн өйөөһүн, өйүүргүн биллэрии. ☉ Благоприятный отзыв о ком-чём-л., рекомендация
[Тимэппий:] Эн холкуоска киллэрэргэ мэктиэ биэриэҥ дуо? [Уоһук:] мэктиэлиибин. Күндэ
Даша, эн баартыйаҕа киирэр дьыалаҕын ситиһэн таҕыс. Райкомол мэктиэ биэрээ ини. М. Доҕордуурап
Аармыйаҕа сылдьан, …… хомсомуол кэккэтигэр киирдэ, киниэхэ нуучча хамандыырдара мэктиэ биэрдилэр. «ХС»
ср. кирг. бэкитүү ‘закрепление, укрепление; утверждение, санкционирование’