рапорт; хамандыырга араапар биэр= отрапортовать командиру; үлэҕэ ситиһии туһунан араапар рапорт о достижениях в работе.

аат. Биллэрии, дакылааттааһын. ☉ Сообщение, доклад, рапорт. Эт, үүт былаана туолуутун туһунан арааппардааһыннар саҕаланнылар
□ Кини строевой хаамыынан чиккэлдьийэн киириитэ, арааппардааһына Сүөдэри бүтүн бэйэтин айа кириһинии тардылла түһэригэр күһэйдэ. Д. Кустуров

аат.
1. Кыра сололоох, дуоһунастаах киһи улахан сололооххо, дуоһунастаахха туох эмэ туһунан тылынан биллэриитэ эбэтэр суругунан тыллабыра. ☉ Рапорт
Арааппар сымыйа буоллаҕына, сэрии киһитэ төбөтүнэн эппиэттиир. Амма Аччыгыйа
«Аттары бэлэмнээтим», — диэн Эрбантейга кини [Кэнтэй] арааппар биэрдэ. Эрилик Эристиин
Костя бөһүөлэгэр төннөн кэлэн баран, учааскаҕа бара сылдьыбытын туһунан отчуот, бэйэтин тылынан арааппар суруйа олордо. Н. Заболоцкай
2. Бэйэ ылыммыт эбэһээтэлистибэлэрэ туолуутун туһунан дакылаат, иһитиннэрии. ☉ Доклад, сообщение о выполнении взятых на себя обязательств
Биһиги инники кыайыыбыт кэрэһитэ буолан, сийиэс күннэригэр дьикти арааппар иһилиннэ. «ХС»

туохт.
1. Кимиэхэ эрэ туһулаан арааппарда биэр, туох эрэ туһунан арааппарда суруйан түһэр. ☉ Обращаться с рапортом о чем-л. к кому-л., представлять рапорт о чем-л., рапортовать
«Бу Бурхалей Балтарыков диэн бүрээт, бэрт элбэх алдьархайы оҥорон баран, билиэҥҥэ тутулунна», — диэн ньохчоҕор эписиэр генералга арааппардаата. Эрилик Эристиин
Суох, тус бэйэтэ илэ хараҕынан көрбүтүн хамандыырга арааппардыыр курдук, булгуччу саҥарар. Амма Аччыгыйа
2. Туох эмэ туолуутун туһунан биллэр. ☉ Сообщать о выполнении чего-л.
Аҕыйах сылынан Ийэ дойдубутугар хастыы да тыһыынчанан буут бурдугу биэрэбит диэн арааппардыахпыт. М. Доҕордуурап
Оройуон промышленнай тэрилтэлэрэ бу күннэргэ түмүктээһиннээх сыл былааннарын толорбуттарын туһунан үөрэ-көтө арааппардыыллар. «Кыым»