даҕ., эргэр. Туох эмэ сэтэ-сэмэтэ туолар быһыллыбыт болдьохтоох (кэмэ). ☉ Предназначенный, роковой (срок). Эһиги даҕаны Кэрэгэйдээх кэмҥит кэлиэҕэ. Саха фольк.

аат.
1. булт. Айа кылыытын баайар мас. ☉ Палочка или колышек, на который натягивается силокнасторожка самострела
Кэмчи соҕус да буоллар — Кэнтиктэрэ охтуулаах, Татым соҕус да буоллар — Чааркааннара тардыылаах. С. Данилов
Бүөтүр үөһэ титирик долбууртан айа кэнтигин ылан, уот иннинээҕи олох маска олорон, саҥа кэрдиистээн барда. Эрилик Эристиин
Эр бэртэрэ Эбээннэр, сахалар, Ааны, чааркааны Антах быраҕыҥ, Холону, кэнтиги Хайаҕа хаалларыҥ! С. Зверев
2. көсп. Ким эмэ инники олоҕор, дьылҕатыгар ыар охсуулаах куһаҕан оҥоһуу, өлөр-быстар суол. ☉ Роковой случай, бедствие, несчастье, имеющие тяжелые, гибельные последствия в жизни, судьбе кого-л.
Кэпсэтиини кэстэххинэ Кэннигэр, иннигэр Кэнтиги тэриниэҕиҥ, Үрүҥ тыыҥҥын Үстэ иһиллиэҕим. П. Ойуунускай. Мин бэйэлээх кэнтик уурар, Төрүөҕү төлкөлүүр, Оһолу оҥорор Уордаах санаабын бохсоннор, …… Өлөрүм эрэ хаалла бу… С. Зверев
Манна кэлэн дьэ биллэ Манчаары абаҕатын… Кимнээх кини суолугар Кэнтик аспыттарын. И. Чаҕылҕан
♦ Кэнтиккэ киирэн биэрдэ — албаска түбэстэ, угаайыга киирэн биэрдэ. ☉ Попасться на чью-л. уловку, стать жертвой несчастного случая
Уу оломун, ойуур ыллыгын оччо аахса, билэ барбат оройукка дылы, онон кэнтиккэ киирэн биэриэн сөп этэ. Болот Боотур. Кэнтиккэ оҕунна — алдьархайга түбэстэ, өлөр өлүүнү көрүстэ. ☉ Попасть в большую беду, найти погибель
Кэнтиккэ даа охтуом буоллар, Кэннибинэн кэхтиэм суоҕа. П. Ойуунускай
Кэтиҥ кинээһэ, кэччэгэй баай, кэлбити-барбыты киллэрэриҥ оннугар, кэнтиккэр охтороору, үөрбэҕэр түһэрээри олороҕун эбит дуу? И. Никифоров. Кэнтиккэ тэп — кимиэхэ эмэ куһаҕаны оҥор, өлөр-быстар суолга ас. ☉ Причинять кому-л. зло, приносить несчастье. Кэниэргэ этэргитинэн, Кэнтиккэ тэбэргитинэн Кими куттаары гынаҕыт? Уоттаах уурааххытын Уу курдук кэһэр Уол-оҕо мин төрөөтүм… П. Ойуунускай
Дьону кэнтиккэ тэбэр, кэлтэгэй кэскиллиир үлэтэ суох буолуу алдьархайа өрөбөлүүссүйэ иннинээҕи Саха сиригэр эмиэ баар этэ. И. Аргунов
Киһи барахсан ардыгар биир тылтан, Аҥаардас биир тылтан буорайан түһээччи, Үйэтин тухары аатын алдьатан Кир буолан иҥмит тыл кэнтиккэ тэбээччи. Агидель к.