саҥа алл. Кими эмэ сэтэрээн, күлүү гынан алларастааһын. ☉ Изображает злорадствующий, издевательский громкий смех, хохот
Арыгы дьаат дии-дии муннугар сыҕайаллар, айаххын сайҕаталлар, иһэрдэ сатаан ыххайаллар, Баһылай, «һа-һа-һаах», уҥан хараҕа түҥнэстэ, бэйэтэ төкүнүйэ түстэ. Э. Соколов

I
аат. Туойга киини, соломону холбуу мэһийэн оҥоһуллар умайбатах кирпииччэ. ☉ Кирпич-сырец из глины с примесью навоза, соломы, саман
Суолларын уҥа өттө — күөх хонуу, хаҥас өттө сырыынньа эниэ үрдэлгэ хомус от хоруобуйалаах маҥан оппуоханан сотуллубут самаан дьиэлэр. Н. Якутскай
II
даҕ., поэт.
1. Сырдык, сылаас, баары барытын сылаанньыта сайар. ☉ Солнечный, тёплый, благодатный (напр., о летнем времени). Самаан сайын. Самаан салгын
□ [Дьыл оҕуһа] Аан дойдуга кэлэн Айаҕын атан туран Аҕылаабытыгар — Чаан туман Тахсан кэлбит, Самаан күн Чааһынан намтаабыта
Саха фольк. Кыталык хоту сиргэ кэллэр эрэ, самаан сайын салаллар. С. Дадаскинов
Самаан саас сандааран, саһаан хаар ирэрэ, Силиһи силгэйэн, хаспаҕы хайытан, Сис уута киирэрэ, сир ийэ тиллэрэ. С. Васильев
Төһө да сааһырдар билигин самаан салгыҥҥа оҕустаран, самыырга сайҕатан чэгиэннирбит тиит мастыы тэтиэнэх, …… сытыы-хотуу кырдьаҕас. Н. Борисов
2
көр саамал. Көйүү кымыһынан Күөмэйдэрин оҥорбуттар, Самаан кымыһынан Санааларын саатаппыттар. П. Ойуунускай
III
сай-самаан — көр сай III
Манныкка мин ийэлээх аҕам: «Дьон кыаммата-кырата Сай-самаан сайылыкка, Кырыа-хаар кыстыкка Үс хос батталлаах үйэҕэ Үөскээбиппит», — дэһэллэрэ. К. Туйаарыскай