Якутские буквы:

Якутский → Якутский

сарымтахтаа

туохт. Сүүрэн, хааман түргэтии сатаан хотоойута суохтук хамсан-имсэн (сэниэтинэн кыра кыахтаах уонна илдьирийбит таҥастаах киһини этэргэ). ☉ Безуспешно стараться идти, бежать быстро (о человеке в ободранной одежде, лишённом резвости в движениях). Хааман сарымтахтаа

Якутский → Русский

сарымтахтаа=

быстро ходить (в рваной одежде или неаккуратной обуви с развязанными шнурками, завязками).

Еще переводы:

сарымтахтат

сарымтахтат (Якутский → Якутский)

сарымтахтаа диэнтэн дьаһ
туһ. [Эрдэлиир] оһох кэнниттэн соролообут арбаҕаһын сулбу тардан таһааран сахсыйан кэбиһээт кэтэн сарымтахтаппытынан барда. Амма Аччыгыйа

сарымтах-иримтэх

сарымтах-иримтэх (Якутский → Якутский)

сыһ., кэпс. Сарымтахтаан, илбириҥнээн, тупсаҕайа суохтук хамсанан. ☉ Имея растрёпанный, взлохмаченный вид (напр., летать — о птице)
Туох эрэ улахан муус маҥан баҕайы аттыбынан сарымтах-иримтэх көтөн иһэр эбит. Н. Заболоцкай

сарымтахтас

сарымтахтас (Якутский → Якутский)

сарымтахтаа диэнтэн холб. туһ. Арай соһуччу …… кустар баар буола түстүлэр
Субу түһээри сапсынан сарымтахтаһа турдулар. М. Ефимов
Оҕолор, [оҕустан] куттанан, сарылаһа түстүлэр да, күрүө диэки сырсан сарымтахтастылар. П. Аввакумов
Биэс-алта дьахтар, тэҥинэн сарымтахтаһан тиийэннэр, Балааҕыйа илиитигэр иилистэ түстүлэр. «ХС»

сарымтах

сарымтах (Якутский → Якутский)

  1. аат. Туох эмэ сарымтыбыта, сарымтыбыт лоскуйа, илдьиркэйэ. ☉ Лоскуток, клочок, торчащий по изорванному краю чего-л.
    Уулусса муннугар тохтоон, кумааҕы афишалар сарымтахтарын самсыы тута-тута ааҕыталаата. Софр. Данилов
    Атаҕар таба турбат буола салҕалас буолла, мэктиэтигэр алдьаммыт баата ыстаанын сарымтахтара тыал үрэн эрэринии эйэҥнииллэр. И. Никифоров
    [Микиитэ] хаһыат сарымтаҕын кыбыппыт сиринэн кинигэтин арыйа баттаан, аахпытынан барда. Амма Аччыгыйа
  2. даҕ. суолт. Сарымтыбыт, сарымтаҕас, сириттэҕэс. ☉ Рваный, щербатый, неровный
    Тэппэй кинини [элиэни] куорсуна түспүт сарымтах кынатынан эндэппэккэ билбитэ. Далан
    Тоҕойго киирээт, ыт халлаан мохсоҕолугар имнэппит [сиирэ тэптэрбит] сарымтах кулгаахтара ибигирэһэ түстүлэр, ону-маны сытырҕалаамахтаата. Н. Заболоцкай
    Дьүкээбил уота, дьэргэлгэн кустук араас эгэлгэ өҥүн түһэрэн, халлаан оройун ааһа сарымтах саһарҕалары өрө уһууран тахсааччы. Г. Колесов
    ◊ Сарымтах ой (түс) кэпс. — сарымтахтаа диэн курдук
    [Ыт мохсоҕолго сиирэ тэптэрбит кулгааҕа] сүүрдэҕинэ уонна Витяны кытта оонньоотоҕуна, сарымтах ойо сылдьар. Н. Заболоцкай
    Оҕолор кинилэри ыраахха диэри батыһан сарымтах ойбуттара. И. Федосеев
сарымтахтан

сарымтахтан (Якутский → Якутский)

  1. сарымтахтаа диэн курдук. Эмээхсин …… илдьирийбит даба ырбаахытын кэтэн сарымтахтанна. Амма Аччыгыйа
    Ол сарымтахтанан истэхпинэ, бөлкөй талах кэнниттэн утары Тэптиргэ кынчарыйан таҕыста. М. Ефимов
    Баайка атын ыҥыран тугу эрэ ботугураабытынан …… сүүрэн сарымтахтанна. Уустаах Избеков
  2. Салбаҥ-салбаҥнык дайбан (көтөрү этэргэ). ☉ Делать вялые, неуклюжие взмахи крыльями в полёте
    Саас көтөрдөртөн бастакынан сарымтахтанан кэлэр бу барахсан [тураах]. И. Федосеев
    Өстүөкүлэҕэ сарымтахтана сылдьар үрүмэччини тутан ыланнар, кынаттарын быһыта тыытан баран, кини хайдах сыҕарыйарын одуулаһаллар. ОАП ОТХ
  3. кэпс. Сарымтах курдук, сарымтах буолан хамсаа, илигирэй, эйэҥэлээ. ☉ Качаться, болтаться, едва держась на чём-л. (о чём-л. небольшом и лёгком)
    Иирэлэр сэбирдэхтэрэ суйданан, сыгынньах лабааларыгар биир-икки саһарбыт сэбирдэх ордубута тыалтан сарымтахтанар. Е. Неймохов
    [Табалар] муостарыгар тоҥ тирии тобохторо тыалтан сарымтахтаналлар. Тулхадыйбат д.