аат. Оҕуруот аһын үүннэрэргэ биирдии үүнээйини туспа уйалыыр курдук буору оҥхоччу хаһыллыбыта. ☉ Лунка (в огороде)
Сорох сирдэргэ, лууҥкаҕа үгүс сиэмэ олордуллубут буолан, умнастары үргээһин эмиэ баар. А. Фёдоров
Кирээдэни ортотунан уһаты лууҥкалары хаһыллар, сылаас уунан сиигирдиллэр уонна лууҥка аайы иккилии үүнээйини олордуллар. ФНС ОС

1. таҕыс диэнтэн хай. аата. Күн тахсыыта уу кэлиитэ күүһүрэн барда. М. Доҕордуурап
   Манан тахсыы бобуллар. «ХС»
   Производствоҕа кыттыы син куһаҕана суох. Ол эрээри бүттүүн кылааһынан тутуспутунан тахсыы суох. «ЭК»
2. Айан суолугар өрө тахсар, дабайар сирэ. ☉ Место, где дорога поднимается вверх, подъём
   Муммут уоллаах кыысчаан Аастылар уһун тахсыыны, Уулаах маары, тыымпыны. Эрчимэн
   Ким өйдүөй — эдэр саас эйигин хаһыс сааскар, ханнык дьаамҥа дуу, ханнык тахсыыга эбэтэр түһүүгэ дуу илдьэ аҕалан баран, аргыһахтаан кэбиһээт, ханна эрэ көппүтүн. Н. Заболоцкай
   Үгүс киириилээх, тахсыылаах, сыырдаах Адаардаах этэ аартыгым. Баал Хабырыыс
3. Төһө эрэ эксэмпилээр ахсааннаах биир кэмнээх туох эмэ бэчээттэнэн күн сирин көрүүтэ. ☉ Единовременный выпуск в свет печатного произведения в определённом количестве экземпляров, издание
   Оройуон култуурунай олоҕор биир сабыытыйанан хаһыат тахсыыта, типография тэриллиитэ буолтара. АНХ СС
   Атын норуоттар литератураларын бастыҥ суруйааччыларын айымньылара сахалыы тылбаастанан тахсыылара улам кэҥээн, сайдан иһэр. «ХС»
4. Олордуллубут үүнээйи сиэмэтиттэн бастаан үнүгэс быгыыта. ☉ Ростки растений, всходы
   [Маайыс:] Быйыл үүнээйи тахсыыта хайдаҕый? С. Ефремов
   Сиэмэ бөскөйүүтүн уонна тахсыытын түргэтэтэр сыалтан сиигирдиллэр. КММ ОК
   Быйыл бурдук тахсыытын дьикти үчүгэй диэххэ сөп. И. Тургенев (тылб.)