аат.
1. Булду суоллаан эккирэтэр эбэтэр суолга сирдиир дьоҕурдаах ким-туох эмэ. ☉ Кто-л., выслеживающий зверя по следам или опытный в распознавании пути, следопыт
Суолдьуттарынан сытыы буолуохтара диэн, Сур бөрөлөрүн суксурутта. Нор. ырыаһ. Суолдьут ыттар, сүүрүк табалар, дьэллик кулуттар киниэхэ бааллар. Болот Боотур. Билигин ыттар араас боруодалара баар буоллулар: харабыллар, булчуттар, көлүүр ыттара, суолдьуттар, тэллэх ыттара о. д. а. ББЕ З
2. Тугу эмэ көрдүүрүнэн дьарыктанар, көрдөөн булар киһи. ☉ Тот, кто занимается поисками, разведкой чего-л. (напр., месторождений полезных ископаемых)
Геолог — таас суолдьута. И. Данилов
Муннуларыгар сыттаах курдук ол мындыр сонордьуттар, булугас суолдьуттар [геологтар] хорҕолдьун бу манна хорҕойдо диэн быһаччы ыйан биэрэллэр. С. Федотов
♦ Кыһыл суолдьут истор. — урукку ааспыты, өлбүт буойуннары көрдөһөр-ирдэһэр чинчиһит. ☉ Тот, кто занимается поисками следов прошедших событий, героев прошлого и т. д., следопыт
Прокопий Иванович бэйэтин кыһыл суолдьутунан ааттанара уонна, кырдьык, архыыпка үлэлии сылдьан, элбэх байыаннай мемуардары ааҕан уонна араас дьону кытта суруйсан, урут биллэ илиги элбэҕи билбитэ, арылла илиги элбэҕи арыйбыта. «Кыым»
Кыһыл суолдьуттар үлэлэрэ сэрии инбэлииттэригэр уонна сэриигэ өлбүт буойуннар кэргэттэригэр көмөлөһүү, өлбүт саллааттар уҥуохтарын көрүү-истии этэ. «Кыым»
◊ Суолдьут сулус — ким-туох эмэ сайдар хайысхатын быһаарар, ыйан биэрэр ким-туох эмэ. ☉ Путеводная звезда
Галя, эн үлэ киһитэҕин. Үлэ киһитэ — чулуу герой, бастыҥ майаак, суолдьут сулус. БТУоТ
Хараҥаҕа хаайтардахха Киирбэт күн буолан тыгар, Туманнаахха муннахха Суолдьут сулус буолан кыыһар — Чулуу доҕор сүрэҕэ, Доҕор ыраас сүрэҕэ. И. Гоголев
Чэ, кытаатыҥ, ырыаҕыт курдук, эһиэхэ умнуллубат онус кылааскыт суолдьут сулус буоллун. В. Протодьяконов