Якутские буквы:

Якутский → Якутский

сырыырҕаа

туохт.
1. Тохтоло суох бар-кэл (элбэх киһи, массыына эбэтэр көтөр, кыыл сырыытын этэргэ). ☉ Сновать, шнырять туда-сюда (напр., о толпе, транспорте)
Ньырбачаан суору сөбүлээбэт этэ. Кини туох эрэ хаан тахсыах, бөлүөх уобуох буоллаҕына сырыыргыыр диир буолара ийэтэ. Далан
Били кинилэр …… солоон кэлбит суоллара кэнники кэҥээн, букатын харыыр аартык буолан, …… лесовоз бөҕө сырыырҕаата. Н. Заболоцкай
Им сүтэн боруҥуй буолуута, көтөр сырыырҕаата. «Чолбон»
2. Ис-искиттэн көҕүйэн ыраах сиринэн сүүрэкэлээ, көт (сүүлэ киирбит атыыр кыыл, сүөһү, көтөр-сүүрэр туһунан). ☉ Бегать на большие расстояния в поисках самки в период гона (о самцах диких и домашних животных)
Сыпсылаас уйаҕын туттаары, Сылгыбыт сиэлинэн туттаары, Сымыыттаан төрөөрү-ууһаары Сырыырҕаан эрэргин көрөммүн — Сүрэхпэр сырдаата үрүҥ күн. М. Тимофеев
Саас таба сырыыргыыр кэмигэр хааччах быһыттары туһаналлар. ЗПН ЧТ
Сэмэнэп [таҥара] чугаһаан, били чубуку сырыырҕаабыт эбит. ФВС К

Еще переводы:

сырыырҕат

сырыырҕат (Якутский → Якутский)

сырыырҕаа диэнтэн дьаһ
туһ. Сыһыы-сыһыы муҥунан Сыспа сиэллээҕи Сытаан сырыырҕат. Өксөкүлээх Өлөксөй
[Бахсырыйа Баай] былыр былыргыттан сыһыы муҥунан сыспай сиэллээҕи сырыырҕаппытын, хонуу муҥунан хороҕор муостааҕы холбообутун да иһин, урукку өттүгэр кулут-чаҕар дьонун аһатан абыраабыта суоҕа. Софр. Данилов

сыбыытаа

сыбыытаа (Якутский → Якутский)

туохт. Сотору-сотору кэл-бар, сырыырҕаа. ☉ Зачастить куда-л. Болугур оҕонньор туруон иннинэ дьоно таһырдьа сыбыытаатылар. Н. Якутскай
Икки күн устата баабый соҕус көрүҥнээх, бааҕынаан саҥарар, сатарытан күлэр үгэстээх элбэх эр дьон сыбыытаатылар. Н. Габышев
Оҕолор күн ахсын кэриэтэ саҥа тутуу таһынан сыбыытыыр идэлэннилэр. «Кыым»
ср. монг. явах ‘ходить, ездить; идти, ехать’

ырылый

ырылый (Якутский → Якутский)

туохт.
1. Олус чуолкайдык, бу баар курдук көһүн. ☉ Быть отчётливо видным, хорошо различимым
Ый сырдыгар сүүрүгүм Ырылыйа дьулуста. С. Данилов
Саҥа түспүт хаарга сырыырҕаабыт араас кыыл суола, ат үрдүттэн көрдөххө, бу ырылыйа сытара. Далан
Кырааскалаах ыраас эркиҥҥэ сурааһын ырылыйан көстөрө. ААС
2. Чуолкайдык билин, дьэҥкэтик көстөн, өйдөнөн кэл. ☉ Становиться ясным, чётким, отчётливым
Итэҕэскин эрдэ билиэҥ — Көннөрүнэр суол Көстө ырылыйыа. Р. Баҕатаайыскай
Биһиги дьыалабыт кырдьыктааҕа көстүөҕэ, сырдаан, ырылыйан, тахсан иһиэҕэ! А. Сыромятникова
Суруйааччы, дьиҥ улахан суруйааччы буоллаҕына, …… айымньыта …… урут харахха көстүбэт араас дьэрэкээннэрэ, сурааһыннара, санаалара ырылыйан тахсан иһэр эбээт. «Кыым»

суол-иис

суол-иис (Якутский → Якутский)

аат.
1. Айанныырга, сылдьыһарга аналлаах, онно сөптөөх сир (суол) уопсайынан барыта. ☉ Всякая дорога вообще, путь-дорога
[Бадин:] Эн дойду суолун-ииһин барытын билэр буоллаҕыҥ дии? С. Ефремов
Оччотооҕуга хара тыа, таас хайа быыһыгар саһан сыппыт Алдаҥҥа хайа даҕаны өттүнэн сылдьыһар суол-иис суоҕа. И. Никифоров
Дохсун самыыр түһэн, суол-иис улаханнык алдьаммыт этэ. «Кыым»
2. Туох эмэ сымнаҕаска (үктэннэххэ, хаамтахха, тайаннахха) ойууланан хаалар ойуу (суол элбэх буоллаҕына эбэтэр ким-туох киэнэ буолара чуолкайа, быһаарыыта суох буоллаҕына тут-лар). ☉ Множество отпечатков, следов, признаков пребывания кого-чего-л.
Хайыыүйэ Халыҥ сискэр Суол-иис бөҕө тыырыллыбыт, Сырыы бөҕө сырыырҕаабыт. С. Зверев
Оҕонньор суолу-ииһи көрөөрү төттөрү-таары тэпсэҥнээтэ, дьүүллээн-дьаабылаан тугу да араарбата. Болот Боотур
Табалар, тайахтар таптаан ньэкээрэллэр эбит: суол-иис баһаам. И. Данилов
3. көсп. Кимтэн-туохтан эмэ хаалар бэлиэлэр, чинчилэр. ☉ То, что остаётся после кого-л. или по прошествии чего-л., след
Олоххо туох да суолу-ииһи хаалларбатаҕын дьэ өйдүүр. А. Фёдоров
Үөрдүм, күндү доҕотторум, Үөрдүм олус эһигиттэн: Таах ааспатах олоҕум — Суол-иис хаалбыт кэннибиттэн. П. Тобуруокап
Биһиги кэпсиир түбэлтэбит буолбута сылтан орто да, буруй оҥоһуллубут суола-ииһэ өссө да оһо илик. «Кыым»