Якутские буквы:

Якутский → Якутский

сэндэлий

дьүһ. туохт. Туох эмэ (үксүн тыа) быыһынан сырдаан көһүн. ☉ Просматриваться, просвечивать сквозь что-л. (напр., между деревьями)
Биир истребитель эмискэ таҥнары хойуостаммыта уонна тыа быыһынан сэндэлийэн көстөр күөл диэки сурулаан түспүтэ. М. Ефимов
Өлүөскэ сэрэх соҕустук уҥа-хаҥас көрүөлүү иһэн, уҥа диэки халлаан сэндэлийэн көстүбүтүгэр туораан, хайа үрдүттэн үрэҕи одуулаһан турда. Н. Габышев
Үрэҕин омооно синньээтэр-синньээн бүтэн барда, онтон ыйдаҥаҕа маар сэндэлийэн көһүннэ. ФП МХ

Еще переводы:

сэндэлэстээ

сэндэлэстээ (Якутский → Якутский)

сэндэлий диэн курдук
Суоҕа буор үүтээн, холомо, сүөһү харбыыр оломо... Онно бэс ойуур быыһынан, сэндэлэстээн күөл көстөрө. М. Тимофеев-Терёшкин
Ол дьиэ кыараҕас түннүктэриттэн — чараас ойуур мастарын быыстарынан икки күөл иккиэн сэндэлэстээн көстө сыталлара. «ХС»

оноолоох

оноолоох (Якутский → Якутский)

  1. даҕ.
  2. Кэлин өттүгэр тыраҕастаах (хол., сон туһунан этэргэ). ☉ Имеющий сзади разрез от подола (об одежде). Оноолоох сон
    □ Үҥсүүлээхтэр …… оноолоох соннорун дьогдьуурдара тэрэһэн, самыылара сайбаһан турдулар. Күннүк Уурастыырап
  3. этногр. Кэннигэр кэтит иҥээһин киллэһиктээх (саха дьахтарын сонун этэргэ). ☉ Имеющий широкую вставку в складке на спине (о якутской женской шубе). Сотору силигирии тыалыра турар тэтиҥ, хатыҥ мастардаах, сэндэлэ тыа быыһынан оноолоох хаарыс соннор уонна былыргы үрүҥ суппууннар лөппөрүс-лөппөрүс гыммахтаан хааллылар. Күннүк Уурастырап
  4. Сүөһү самыытыгар атын өҥнөөх уһаты балаһалаах. ☉ С полосой другого цвета на спине (о домашней скотине)
    Хамначчыт дьахталларым …… Хоно кэлбит хоноһоҕо киһиргээннэр, Бэҕэһээ киэһэ буоҕаралаах кутуруктаах, Оноолоох саадьаҕай кунан оҕустарын Баайбакка сыппыттар. Саха фольк. Аҕам оҕонньор эрэйдээх Күөх көлөһүнүн саккыраппыт Көлүччэтин сөрүүн уутунан Утаҕын ханнаран улааппыт Оноолоох саадьаҕайым үүтүнэн үссэнэн үөскээбитим. С. Васильев
  5. аат суолт., көсп. Кыыс, дьахтар. ☉ Девушка, женщина. Оноолооҕу билбэтэх киһи
    ♦ Оноолооххо (оноолоох соннооххо) орооспотох — дьахтарга сылдьыбатах, дьахтары билбэтэх (киһи). ☉ Не познавший женщины, девственник (букв. с имеющими разрез позади кафтана не сходившийся)
    Бииллээҕи кытта билсибэтэх, Оноолооҕу кытта орооспотох, Сыыһаҕа сылдьыбатах, Сымыйаны саҥарбатах Тоҕус уолан дьон. Саха нар. ыр. II
    «Аны оноолоох соннооххо орооһуом суоҕа, бииллээх соннооххо мэҥийиэм суоҕа», — диэн андаҕайбытым. Эрилик Эристиин