возвр. от сүтүктээ = терять; понести утрату.
Якутский → Русский
сүтүктэн=
сүтүк
потеря, пропажа; утрата; сүтүгүн булбут он нашёл свою пропажу; харчы сүтүгэ потеря денег; кини өлүүтэ биһиэхэ ыар сүтүк его смерть—тяжёлая утрата для нас.
Якутский → Якутский
сүтүк
аат.
1. Тугу эмэ бэйэ киэнин сүтэрии, туоххуттан эмэ матан хаалыы. ☉ Потеря, ущерб, убыток
Кууһума оҕонньор сөбүн этэр, сүтүгүттэн көстүбүтүн кэннэ, эн ылбытыҥ буолуо диэ суоҕа дуо? А. Софронов
Ити сүтүкпүтүн биһиги син солбуммуппут, соноҕостору айааһаабыппыт, булуукка түөрт соноҕоһу көлүйбүппүт. И. Артамонов
Ааспыт сылга кинилэр ыстаадалара кыстаабыт сиринэн кыыл таба улахан үөрэ киирэн эмиэ сүтүк баар буолбута. ФП МХ
2. Туохха эмэ үбү-малы сүтэрии, хоромньу. ☉ Ущерб, убыток, пропажа
Хас ыалдьыбыт киһи ахсын, хас киһи-сүөһү өллөҕүн, хас сүтүк таҕыстаҕын ахсын барытыгар ойууну ыҥыраллара, кыырдараллара, көрүүлэнэллэрэ. Н. Якутскай
Иһит-хомуос ыраастык тутулларын, сүтүк суох буолуутун, уоруллубатын иннигэр эппиэттиир. Н. Заболоцкай
Сүтүк тахсан улахан айдаан буолуоҕун, хата уолаттар тута билинэ охсон, малларын тута төннөрөн быыһаннылар. «ХС»
3. Чугас киһини сүтэрии, туохха эмэ былдьатыы. ☉ Потеря, утрата (близкого человека)
Хабырыыс доҕорбут өлбүтэ Улахан сүтүкпүт буолуохтаах. Баай аймах олорон үөрбүтэ Сүрэххэ өһүнэн туолуохтаах. Эрилик Эристиин
Серёжа, эргиллэ түһээт, дьиэтигэр тэбиммитэ. Бу күнтэн ыла, кини төрүөҕүттэн сүтүгүн дьэ билинэн, ийэ аһыытыгар түспүтэ. Н. Лугинов
Алааһыам, соҕотох эн бааргын Мин күндү сүтүкпүн эрийэр — Ийэккэм сүрэҕин сылааһын Хааллаарта бу манна, эн сиргэр. Чэчир-76
4. Сэриигэ, ытыалаһыыга өлүү-сүтүү. ☉ Человеческие потери во время боевых действий
Өстөөх оборуоната олус дириҥ уонна күүстээх буолан биэрбитэ. Икки өттүттэн сүтүк бөҕө тахсыбыта. А. Данилов
Биһиги өттүбүтүттэн сүтүк суох диэххэ сөп. Арай икки байыас кыратык бааһырдылар. С. Ефремов
Фашистар сөмөлүөттэрэ тиийэн кэлбиттэрэ, ол кэннэ намыһаҕынан сылдьан ытыалаабыттара. Биһиэхэ элбэх сүтүгү таһаарбыттара. И. Сосин
◊ Ыар сүтүк — тугунан да солбуллубат, ыарахан сүтүк. ☉ Невосполнимая утрата. Доҕорбун сүтэрэн ыар сүтүк мин дууһабын ыга тутта
□ Княжна ыар сүтүгүн туһунан, ытыы-ытыы, кэпсээбитигэр, кини эйэҕэс, көнө харахтара уунан туолбуттара. Л. Толстой (тылб.)
ср. ДТС йитүк, туркм. йитик ‘пропавший, исчезнувший, потерянный, без вести пропавший’
сүтүктэн
туохт. Сүтүктээх буол. ☉ Нести потери, понести ущерб
Били дьоно сылгыларын аанньа көрбөккө-харайбакка, элбэх сүтүктэнэн эҥин, тэмтэрийэ сыһан баран өрүттүбүттэрэ. П. Аввакумов
Бу кыргыһыыга, улахан сүтүктэнэн, төттөрү чугуйан тахсыбыппыт. И. Сосин
Хас да биригээдэҕэ таба итээбитэ билиннэ. Элбэх сүтүктэммиттэр. А. Кривошапкин (тылб.)
Пирр сэриитэ, хас да кыргыһыыга кыайыылаах тахсыбыта эрээри, наһаа элбэх сүтүктэммитэ. КФП БАаДИ
Еще переводы: