тап I диэнтэн хай
аата. Чэ, биһиги, аҕаа, өлөн-охтон биэриэхпит суоҕа. Иннибитин биэрэр биллибэт. Табыы быраап. Сатаан олоруохха эрэ наада. В. Гаврильева
Биэс буулдьа биир сиргэ түспүттэр «Фашист» тоҥ сүрэҕин тобулан, Дьон бары үөрдүлэр, сөхтүлэр, Туйгуннаах табыыттан дьулайан. Күннүк Уурастыырап
Мин алҕаһыым, Табыым барыта Эрбии тииһинии эр-биир бэрсэннэр Сүрдьүгэс устун хаамар оҕо саас Сэрэхтээх оонньуулара эбиттэр. В. Миронов
◊ Санаатын табыы — киһиэхэ кини баҕарарын, сөбүлүүрүн оҥорон сөбүлэтии, астыннарыы. ☉ Стремление угодить кому-л. любым способом
Мин бары кыһаныым, бары санаам биир эрэ туһунан — бэйэм кыылбын минньигэстик, тото аһаттарбын, кини киҥэ холлубатар, …… биирдэ эмэ аһыннар ханнык диэн кэмигэр көрөн кини санаатын табыы эрэ буолара. М. Горькай (тылб.)

аат.
1. Чугас киһиҥ (хол., кэргэниҥ) тапталыгар, бэриниилээҕэр эрэмньигин сүтэрии, ол санааттан эрэйдэнии-муҥнаныы. ☉ Ревность
Долооноп!.. Хабырыыс куһаҕаны сэрэйэ санаата, уоттаах күнүү көмөгөйүн хаарыйда. И. Гоголев
[Маня:] Тоҕо мин эйигин атын кыргыттар хайгыылларын сөбүлүөхтээхпиний? [Петя:] Ити баар. Ол аата тугуй? [Маня:] Ол аата кыра соҕус күнүү диэн буолар. С. Ефремов
Былыргы ытык бу гаремҥа, Мария ыраас дууһата, Биитэр абалаах Зарема Кута-сүрэ илэчийэн, Күнүү уотунан умайан Кэм да сылдьара буолуо дуо? А. Пушкин (тылб.)
2. Ордугурҕааһын, ымсыы санаа. ☉ Зависть
Ол биһиги оҕобут арыычча үчүгэй буолан бэйэлэрин тэҥнээхтэриттэн ордук чорбойоору гынна диэн сордоон эрдэхтэрэ. Барыта күнүү, бэрт былдьаһыы. С. Ефремов
Бүөтүр өйүнэн, тылынан, майгытынан-сигилитинэн, дьоҥҥо-сэргэҕэ сөбүлэтиитинэн, самбиһынан уолаттартан таһыччы ордук киһи буолан, уолаттар күнүү татайар курдуктар. Р. Кулаковскай
ср. тюрк. күни, гүнү ‘зависть’