сыһ., кэпс. Сөбүн көрөн, кэмнээн-кээмэйдээн. ☉ Разумно рассчитывая, обдуманно
Билигин да бааллар урдустар: Үтүөҕэр үчүгэй буолааччы, Сөбүлээн көрөн киэр хайыһар — Өрүүтүн барыыстаах хаалааччы — Оо, бааллар тииҥ мэйии урдустар! Софр. Данилов
Сүрэх ыарыылаахтар ууну, чэйи, кофены сөбүлээн иһиэхтээхтэр. АВД РОХ

туохт.
1. Туохха эмэ сөп түбэс, кими, тугу эмэ тугунан эмэ хайҕаан, кэрэхсээн, биһирээн үчүгэйдик санаа, сиримэ. ☉ Быть по нраву, по вкусу
Физиканы, математиканы олус сөбүлүүр. Софр. Данилов
Оҕонньор бөһүөлэккэ сылдьыбатаҕа өр буолан, саҥа дьиэлэри сонургуу, сөбүлүү көрдө. Л. Попов
Маайа бу бургунастартан сүүһүгэр үрүҥ туоһахталаах хара бургунаһы сөбүлүү көрөр. Н. Якутскай
Эн мин эрэ куппут чэйбин, буһарбыт эбиэппин сөбүлүүр буоллуҥ, онон эн санааҕын толорор баҕаттан дьиэбиттэн да тахсыбаппын. С. Ефремов
Сергей саҥа үлэтин бэркэ сөбүлээн баарынан-суоҕунан сылдьар. В. Яковлев
2. Кими эмэ ордук чугастык, истиҥник санаа, таптаа. ☉ Испытывать к кому-л. особые чувства, любить кого-л.
Сөбүлээтим да, сүгэһэрдээх да буоллун, таптаатым да, тайахтаах да буоллун, барабын (өс хоһ.). Тоҕойуом, мин эйигин бэркэ таптаатым, сүрэхпинэн сөбүлээтим. Н. Неустроев
«Сүрэҕэ сөбүлүүр Сүөкүччэ доҕоругар», маҥнайгы тапталыгар, кини олус да кэрэтик сыһыаннаспыта. Суорун Омоллоон
3. Тугу эмэ сөптөөҕүнэн аах, сөп диэн өйдөө, санаа. ☉ Признавать хорошим, считать правильным, одобрять
[Уйбаан:] Ол туох буоллубут диэн арахсабыт? Итини аҕам, ийэм сөбүлүөхтэрэ диэн саҥараҕын дуо? А. Софронов
Айдар Быстахов тыллара барыларын таарыйда. Сорох сөбүлээн, сорох утаран күйгүөрэ түстүлэр. Н. Лугинов
Итинтэнмантан араатар тылын сөбүлээн күүгүнэстилэр. Амма Аччыгыйа
Иван уус уонна хас да ыччат туран бөһүөлэк көһөрүн сөбүлээн тыл эттилэр. М. Доҕордуурап
ср. тюрк. йөп, чөп ‘подходящий’

1) давать согласие на что-л., соглашаться с чём-л.; одобрять что-л.; 2) нравиться; мин кинини сөбүлээтим он мне понравился; сөбүлүү көр = симпатизировать кому-л. (не стремясь к знакомству); сүрэҕим сөбүлүүр мне (это) по сердцу.