аат. Туох эмэ сабардыыр иэнэ; устатынан туоратынан төһөнү сабардыыра. ☉ Площадь, занимаемая чем-л.; протяжённость чего-л.. Материк арҕааттан илин тайааһына. Туоратын тайааһына
□ Колумб материктар уонна акыйааннар төһө тайааһыннаахтарын туһунан сөптөөх өйдөбүлэ суоҕа, онон Индия илиҥҥи биэрэктэрэ Европа биэрэктэриттэн бэрт ырааҕа суох буолуохтара дии саныыра. КВА МГ

даҕ. Төһө эмэ усталаах, тайааһыннаах (төгүрүк, төгүрүктүҥү быһыылаах туох эмэ иэнин туһунан). ☉ Протяжённый по линии окружности чего-л. (о длине обхвата чего-л. круглого, округлого)
[Булгунньах үрдүгэр] сүүрбэ хаамыы төгүрүмтэлээх, намыһах былыкка тиийэр уһун, икки салаалаах сиргэ тиийэр мутуктаах хатыҥ турар эбит. ПЭК ОНЛЯ I
Үрдэл саамай оройугар алта уонча миэтэрэ төгүрүмтэлээх көлүйэ чөҥөрүйэ сытар. И. Данилов
Оһон хаалбыт омоон суолунан уон көс төгүрүмтэлээх, биир да ыала суох, дьиэтэ-уота суох сиринэн айанныырга күһэллибиттэрэ. В. Чиряев