Якутские буквы:

Якутский → Якутский

токоо

аат.
1. булт. Туһаҕы тэптиргэҕэ холбуу баайар тордуохтаах кыра мас. ☉ Палка с крюком, служащая для соединения силка с рычагом
Туһахтаах токоону тордуоҕунан атах олугар иҥиннэриллэр. Болот Боотур
Өскөтүн куобах, саһыл, улар эҥин кэлэн туһаҕы моонньуларынан ииллэхтэринэ, бэрт кыратык иҥнэн турар токоону төлө анньаллар, оччоҕо уһун ураҕас мас кинилэри өрө ыйаан таһаарар. Далан
2. Хомус тылын эриллибит быһыылаах тордуоҕа. ☉ Крючок язычка хому- са — якутского национального музыкального инструмента
[Кыыс оҕо] Чооруос тумсун саҕа Чочойбут токоолоох [хомуһу туппут]. А. Бродников. Хомус кистэлэҥэ — тылыгар уонна токоотун чопчутугар. «ХС»

Еще переводы:

шпорец

шпорец (Русский → Якутский)

тордуок, чорбох, токоо

тэптиргэ

тэптиргэ (Якутский → Якутский)

аат., булт.
1. Туһахха иҥнибит куобах тута өрө ыйанан хааларын гына оҥоһуллар бултуур сэп. Ураҕаһы, сиэрдийэни, хандаа атахха туруоран, чэпчэки өттүнэн умса тардан, токоотунан эбэтэр элбэрээҕинэн туһах сэргэтигэр, олукка эбэтэр кэрдиискэ, көхөҕө, төлөркөй соҕус гына иҥиннэриллэр. Булт, эрэйдэммэккэ өлөр буолан, собообот, өрө ыйанан турарын иһин кыыл-сүөл кыайан сиэбэт. ☉ Силок на зайца с оцепом, вскидывающий добычу вверх вместе с орудием ловли
Силок закрепляется за длинную палку, устанавливаемую на опоры — хандаа, в виде пускового рычага. Пойманная таким образом добыча становится недоступной для других животных. Мин өрөбүл күн былырыын туһах иитэлээбит тоҥуулардаах, тэптиргэлэрдээх сирдэрбин кэрийбитим. П. Аввакумов
Бандеров кырынааһы чааркаанынан уонна хапкаанынан бултууругар куобахха туһахтыыр тэптиргэни туттубута. ТСКБ
Толоон саҕатыгар, эргэ ыллыкка ииппит тэптиргэм эстэн өрө чолойбут. ВА ИиТ
2. Туох эмэ ыараханы көтөхтөрөргө, тугу эмэ аллараттан үөһэ таһаарарга аналлаах тэрил. ☉ Приспособление, механизм для поднятия чего-л. тяжёлого
Туттара-хаптара тэптиргэ курдук ис эрчимнээҕэ, тэп курдук үктэнэн хаамара. С. Дадаскинов
Буору тэптиргэнэн, саар ыаҕаһынан таһаллар эбит. Багдарыын Сүлбэ
Массыыналар тигинииллэр, холуодьастар тэптиргэлэрэ кыычыргыыллар. «ББ»